疫情令工作量減 張建聲:慳啲使!

本港新型冠狀病毒疫情持續,張建聲(Justin)坦言多項工作延遲,收入大受影響。唯有慳啲使,留家抗疫!

武漢肺炎令張建聲收入大受影響。

張建聲日前在觀塘為hmvod粵語版3D動漫動畫連續劇《西遊》及電影版《再見悟空》配音,今次他聲演動漫《西遊》內一個儼如玉帝的反派「帝釋天」,雖然僅用聲音演繹,但都覺得好玩:「今次喺《西遊》飾演『帝釋天』,係一個唔知幾多千歲嘅老人家,聲演時要壓到把聲好沉好沉,用丹田發聲發氣,丹田攰到冤冤哋,但幾得意。原來配動漫另一回事,呢個係比較重要嘅角色,今朝嚟配音嘅時候都驚做唔到,因為對白好厚一大疊,但入吓入吓角色又OK幾過癮。」最搞笑係Justin配笑聲時,突然跳掣「招積」上身,展露了《反黑》「招積」的招牌奸笑聲,他笑着解釋進入了劇本世界,突然間有「招積」走出來,自己都感到不好意思。

張建聲配笑聲時,突然「招積」上身。
張建聲於配音時展露《反黑》中「招積」的招牌奸笑聲。

疫情爆發後,各行各業都受嚴重打擊。在限聚令之下,Justin直認收入大受影響,慶幸近月都有些少工作,雖然工作量比疫症前大減,但他已非常感恩:「之前放八個人都有得拍攝下,跟住四個都勉強啦,去到兩個就真係手停口停。尤其是我哋做娛樂事業,戲院封晒啲戲上唔到宣傳又做唔到,好多project又延遲,我相信大部分圈中台前幕後最近過得好辛苦,差唔多零收入,雖一解決方法 stay home,第一為咗疫情,第二就真係慳啲使,冇辦法。」

張建聲因為疫情要慳啲使。

配音當日開工撞正香港史無前例實施全日禁堂食的第一日,中午配音團隊放飯時,Justin行去附近商場買漢堡包外賣,期間有食肆姐姐大嘆生意難撈,Justin 亦說:「去商場兩個人冇得堂食,但比我想像中大家守規矩。」他稱有同售貨員交談,對方指生意差了好多,自己亦希望疫情快些減退。

張建聲配音當日撞正香港實施全日禁堂食。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟