【新冠肺炎】施匡翹轉度假村隔離 謝高晉離開駿洋邨

歌手施匡翹(Zaina)及其經理人劉麗萍 (Apple)確診武漢肺炎兩星期後,先後獲安排入住隔離營,Zaina更開直播報平安。而謝高晉則完成檢疫,今日離開駿洋邨。

施匡翹轉到隔離營,繼續接受檢疫。(施匡翹 IG影片截圖)

Zaina昨晚轉到鯉魚門度假村,並於社交網站開直播,表示自己有獨立房間。她感觸說:「我好掛住所有嘢,想畀大家知我冇問題,好精神。戴着口罩的Zaina指這件時間經歷太多:「無論有冇做過,畀人亂咁講,所以寧願戴口罩。我喺醫院隔離時有睇留言,初頭完全接受唔到,唔係事實點解亂講。但公眾人物要承受呢樣嘢,所以唔會回應。」Zaina今日透露度假村環境畀醫院好,自己精神不俗,每日都需要做深喉唾液測試。

施匡翹戴住口罩做直播。(施匡翹 IG影片截圖)

至於Apple姐今日轉到鯉魚門度假村繼續接受隔離,她說:「今朝醫生話我個肺冇花,血都好,一直冇咩唔舒服冇發燒冇咳好正常。今日轉去鯉魚門度假村,希望疫情控制。」她謂Zaina形容這病毒冇聲冇色,所以先恐怖,並呼籲大家出街戴口罩,注意衞生。而其男友麥德羅指自己的精神狀況好,沒有發燒、肚瀉及嘔吐。他透露今日再抽血及抽取深喉唾液樣本:「希望夠35分出院。」

Apple姐今日亦轉到鯉魚門度假村。

此外,謝高晉入住駿洋邨隔離營十日後,今日獲准離開。他說:「之前喺屋企隔離咗四日,喺隔離營做咗兩次深喉唾液測試,完成呢十日隔離。好掛住家人同隻貓。」他更呼籲大家同心抗疫。

謝高晉手持醫生證明,離開駿洋邨。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟