溫碧霞牛一 老公贈開蓬吉普車

溫碧霞(Irene)今日54歲生日,但因武漢肺炎疫情持續,昨晚首次網上直播唱歌,與粉絲一同慶祝生日。她透露老公送開蓬吉普車作為生日禮物,兒子則送花及一幅畫作,連她大都話Sweet。

溫碧霞首次網上直播唱歌,與粉絲一同慶祝生日。

溫碧霞昨晚應音樂大師伍仲衡(Harry)邀請到他的錄音室進行社交平台直播唱歌,直播一開始,Harry馬上為Irene製造神秘驚喜,彈琴演奏生日歌,Irene的經理人公司同事送上別出心裁,以Irene剛剛推出的《海潮》第二版寫真集封面設計的巨型生日蛋糕及一大束鮮花為女神慶祝,Irene開心說:「好驚喜呀,因為今日下午工作時,同事已送咗蛋糕,完全估唔到直播都繼續有蛋糕收,而且仲咁有心思的蛋糕,唔捨得食。」

溫碧霞獲經理人公司同事送上寫真集封面設計的巨型生日久蛋糕。

Irene過往每年都會舉行生日會,今年因為疫情決定唔搞,而今日正日只會跟家人食飯簡單慶祝,她好感動今年生日到目前為止已收到第4個生日蛋糕,估不到在疫情之下,大家仲記得她生日:「今次係我第一次直播唱歌,亦係第一次喺網上同fans一齊慶祝生日,好有意義呀。」她的生日願望希望家人及所有朋友,愛鍚她的粉絲都開心快樂,全世界所有人都身體健康,疫情快快結束。伍仲衡則祝福Irene愈來愈靚及快啲出新歌,他更許下承諾只要她肯出新歌,他就幫她寫歌。

音樂大師伍仲衡(左)讚Irene是女神,唱得好聽又認真,感到很榮幸。

至於老公及囝囝送了甚麼生日禮物?Irene一臉幸福說:「Kenneth送咗部好靚開蓬吉普車,其實只係一份心意,唔係在乎禮物價值,就算係一朵花或者一粒朱古力,我都好開心。囝囝好Sweet送花及畫咗一幅畫,其實只要囝囝生活開心,鍚我就已經好足夠。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟