Dough-Boy翻唱天王首本名曲致敬

唱作人Dough-Boy將重新編曲一位本地重磅天王的首本名曲,他解釋自己喜歡該位天王歌手,又曾與對方合作。至於與那位天王合作,他就先大賣關子。

Dough-Boy將與一位本地天王合作。

Dough-Boy今年入行十周年,除將自己在這年遇上的各種高低潮感受寫進今年內推出的新專輯外,亦包括十首與來自全世界不同國家地域音樂人合作,還有着三層令人驚喜的重磅包裝。Dough-Boy將會重唱本地一位重磅天王的首本名曲,這首家傳戶曉的經典歌將會重新編曲;對此他表示:「有呢個構思係因為自己好鍾意呢位天王歌手,所以想做一首致敬作品;因為之前同對方(天王級歌手)合作過,所以就問準對方去做。」至於是那位天王,他就要先賣關子。

Dough-Boy未有該位天王是誰。

林雪跟後生仔交流學嘢

除了重新演譯天王名曲外,Dough-Boy新碟的第一首主打歌《PROVE》的MV,同樣斤量十足,Dough-Boy請來重磅的林雪,以及正冒起的YouTuber光頭幫TomFatKi及香港說唱新星 Billy Choi 等助陣,講述飾演「大佬」的林雪率領Dough-Boy等策劃打劫。林雪表示有才華的年輕人們,能力範圍以內是應該給予他們實踐夢想機會:「Hip Hop我識條卵咩,就係咁樣反而想識多啲。拍MV之前嗰晚聽歌聽通宵,現場見到呢班後生仔包括導演攝影師燈光師都好有heart,其實好唔容易,邊個一生出嚟就識唱識演識拍?佢哋有啲嘢想表達,實際未必係諗咁容易,我叫做有多少少拍戲經驗,大家交流吓,我喺佢哋身上其實學到好多嘢。」

林雪指今次參與拍揮攝是跟後生仔交流學嘢。

Dough-Boy在一個氛圍不太好的時機推出專輯,Dough-Boy稱沒有在這方面考慮太多:「成隻碟由去年中開始籌備,每首歌都同嚟自唔同地方嘅單位合作,時間上剛好到呢個時候陸續完成,冇特別諗太多timing問題,我哋做嘅歌一直唔算係要睇主流市場嘅類型。」香港樂壇被睇淡,搞Hip Hop還有沒有發展空間?Dough-Boy則說:「我做音樂嘅初心唔關加入邊度樂壇嘅事,主要做自己鍾意嘅嘢,有幾多知音人就交畀大家決定。」他謂見到近兩年香港Hip Hop界的演出,入座率不差得過其他人,又越來越多新力軍加入,話香港樂壇已死,應該不包括Hip Hop界。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟