鄧月平（Larine）以為性感辣妹造型，拍攝唱作音樂人Dough-Boy的單曲MV。二人拍攝拖手戲時，怕醜仔Dough-Boy緊張又騰雞：「直情掂到佢都覺得唔好意思！」
本土國際級唱作音樂人Dough-Boy為紀念入行十周年所炮製的新專輯，早前邀請鄧月平（Larine）出任首支由他創作兼任監製及主唱、featuring台灣Hip Hop紅人Barry Chen的單曲《PROVE》MV女主角，上演一段械劫生死戀。MV故事講述林雪飾演「大佬」，策劃一場驚天械劫，率領眾人食大茶飯，過程中Dough-Boy同Larine擦出愛火花，有兩人拖手仔，Dough-Boy推住坐購物車中的Larine四圍碌，又有Dough-Boy教她揸槍，畫面浪漫，可惜最終Larine中槍身亡，Dough-Boy目睹至愛死去，這一幕亦相當淒美。
Dough-Boy一副潮人外表，但其實係個怕醜仔，當日他面對Larine這位靚女時不知多騰雞，他說：「原本MV係冇女仔，但全部男人而有一個咁嘅劇情會好怪，所以依家有Larine係fit晒。拍MV當日第一場戲就係同Larine拖手，我幾緊張，始終未算好熟絡，直情掂到佢都覺得唔好意思，佢好有經驗主動帶我入戲，又靚女又識照顧人，加上一身型女打扮，成個感覺真係好正。」
首次揸槍 死得有型
今次Larine飾演賊婆有兩個造型，包括着sport bra的性感辣妹look，以及着工人褲的打劫「制服」，而MV更是她第一次揸槍、第一次扮死，又是第一次和Dough-Boy合作，所以整個拍攝都很新鮮，她說：「今次又要死又要揸槍感覺幾刺激，以前未試過，雖然最後死咗，但成件事死得幾有型，同埋揸槍都好有型。我好滿意今次嗰兩個造型，係成班人一齊去做造型出嚟，呢件事係非常出色。」
不過，由於拍攝中槍後浴血，Larine 身上要搽血漿，之後要清洗就頭痛了：「血漿好難洗呀，嗰日拍完之後係用咗成支御妝水抹身上啲血，我嘅底衫底褲全部報銷。」Larine又大讚Dough-Boy有才華又好型，歌好聽又有內涵，笑言尊對方有眼光，揀她做MV女角，非常有品味。
