《東張西望》女神李旻芳(Lucy)和老公黃耀英都是愛狗之人,家中養了兩隻年老的金毛尋回犬「BB」和「MuiMui」,兩人更為了照顧愛犬而推遲造人大計。Lucy日前在IG上載了背著行動有些不便的愛犬行上樓梯的相片,雖然愛犬身型龐大,Lucy 仍非常樂意帶住牠走來走去,對狗狗的愛盡在不言中。
Lucy更留言表示:「我家狗狗今年14歲喇!雖然行動開始不便,腳仔有時會唔夠力,只係上落樓梯有時要我幫下手,但係都好慶幸年紀咁大仲行得走得!仲係好為食好好胃口,而家愈老愈痴人!無論你喺邊都要捐窿捐罅直至身體可以掂住人先安心,好鬼可愛!只要我仲行得走得,我會一直帶住你哋同我一齊行,你哋要加油啊!」

