謝高晉首拍MV一波三折 雨後見雙彩虹不枉辛苦

職業籃球員謝高晉正式進軍樂壇,日前拍攝首支個人單曲《仲夏日記》MV時,遇上一波三折先遇上山泥傾瀉,轉場拍攝又遇上大雨,幸完成拍攝後見到雙彩虹,不枉辛苦。

謝高晉首拍MV一波三折,幸無損心情。

MV本來一早計劃在籃球場拍攝,但遇上疫情限聚令,好多籃球場需要關閉,只好轉移陣地往飛鵝山,但卻又因連日大雨,大隊上山途中遇上山泥傾瀉被迫折返,最後決定再改去龍翔道觀景台取景,但萬萬估不到開拍第一個鏡頭,拍攝不到十分鐘就開始滂沱大雨,被逼停拍一個小時才稍為停雨,導演馬上趕拍。

謝高晉終順利完成拍攝MV。

由於多番波折浪費了好幾個鐘頭,轉景時,高晉趁著工作人員午飯時間,爭取時間轉妝,幸而捱過連場豪雨後,終於苦盡甘來:「我哋喺西九拍拍下,維港出現雙彩虹,大家都好興奮,我第一次見到雙彩虹,所以呢條雙彩虹會出現喺《仲夏日記》MV,總算不枉我哋咁辛苦。」

謝高晉正式進軍樂壇!

身高6呎3的謝高晉,曾經代表香港出外比賽,亦輾轉在澳門職業籃球隊受訓,加盟臻世娛樂成為歌手前,高晉也曾客串電影,其高佻又有陽光氣息曾做過模特兒更被邀請拍過幾次MV,他興奮又緊張:「終於拍到屬於自己嘅MV啦,唱歌算係我入行以來其中一項重大挑戰,幸好今次有梁柏豪導演以及策劃的林子謙,雖然拍攝當日一波三折,但最後都可以在彩虹下圓滿結束。」他更多謝模特兒出身的師妹吳焱曦(Adora)為他擔任MV女主角,因為他太高好難找到合適女主角,而Adora身材高佻跟他高度相當合襯。

謝高晉師妹吳焱曦(左)擔任MV女主角。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟