張建聲初執導演筒 拖新女玩一夜情

張建聲 ( Justin ) 最近首次執導演筒,為本地新進二人rapper組合NOWWHAT的三部曲MV擔任導演,同時更是MV的男主角。他大讚與他發生一夜情的女主角莫穎彤(Judy)喊到力竭聲嘶的一幕,一take過搞掂。

張建聲(中)初執導演筒,感到緊張。

今次是Justin和拍檔喇英合作開製作公司的第一個項目,所以Justin十分緊張,因為他除了做執導外,更是MV的男主角,而女角則為莫穎彤(Judy)。MV三部曲名為《fake love comes and goes》,分別以男女主觀角度描述一夜情為主題。畫面一開始就由一臉鬚渣的Justin坐床食事後煙,旁邊的Judy輕露玉背,之後兩人各自離開酒店,故事中瞞男友偷食的 Judy 回家後撻落床大哭,掟嘢宣洩,Justin繼續落寞,後來兩人蒲吧重遇,又重回失落的起點。

喇英
Judy於MV開場便輕露玉背。

講到這次合作契機,Justin 說:「呢次係同兩個新進 rapper 叫 NOWWHAT 嘅組合合作,成員係Gary 同HIJACK47。之前我喺馬拉拍緊《Yolo》,有日突然收到佢哋喺IG(Instagram) PM(私訊),sent咗首歌俾畀我,我一聽就好鍾意,返嚟香港後同佢哋面談幾次傾合作,開頭諗係拍一首歌MV,諗諗吓不如用長鏡頭一鏡到底,但覺得一首歌唔夠玩,NOWWHAT就作多兩首變成三部曲。」

Justin找來Judy合作,二人於MV中有一夜情。

Justin續指表示今次是第一次做導演,由成個劇本到機器走位都有參與,幸好有喇英幫手,亦要多謝攝影師Danny:「因為所有鏡頭都係要非常準確所以花好大心力,而Judy嘅演出更加係一take過喊到力竭聲嘶。」他指其實兩個rapper各自有正職,但他們真是為了夢想做歌手,自己覺得無所謂,能力範圍幫一幫,而製作過程自己都吸收很多。

Judy喊到力竭聲嘶的一場戲,一take搞掂。

今次拍攝最特別的地方是使用近乎一鏡過的拍攝手法串連NOWWHAT三首歌包括《Intimacy At Dawn》、《nightfall》及《dark hours》去帶出整個故事,MV全長 15分鐘,已於昨晚(19日)首播。

MV網址:https://bit.ly/2NaOH70

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟