【激似李蘊】羅毓儀「路小小」成功吸睛 原來現實愛玩音樂

無綫處境劇《愛.回家之開心速遞》又有新角色出場!佢就係於劇中飾演年輕作家「路小小」嘅羅毓儀。原來佢除咗靚女外,仲係一個結他手,好有音樂天份。

羅毓儀在劇中的cosplay造型好可愛。(羅毓儀 IG 圖片)

今晚一集的《愛》劇講述滕麗名飾演嘅「熊尚善」搞簽書會,不過身旁嘅「路小小」亦以cosplay造型舉行簽名會,令滕麗名受訪時串爆話:「我希望讀者睇我作品嘅深度,而唔係作者本身嘅可愛程度。」而「路小小」即時怒睥佢,但都趁機喺舉V賣萌。雖然只係短短登場幾分鐘又冇對白,但就成功搶晒鏡。

「路小小」羅毓儀(中)賣萌成功吸睛。(《愛.回家之開心速遞》劇照)

「路小小」真名叫羅毓儀(Yuki),係去年無綫「第30期無綫電視藝員訓練班」學員,擁有甜美樣子,而且一雙大眼晴嘅佢,仲同李蘊有幾份相似。其實佢之前都客串過《愛》劇,但今次成功吸引觀眾眼球。而佢依家就拍攝緊新劇《一笑渡凡間》。

羅毓儀依家拍緊《一笑渡凡間》。(羅毓儀 IG 圖片)

翻查她的社交媒體,原來佢識彈電子結他唱歌,亦有不少可愛賣萌嘅靚相,真係好煞食。不過,原來佢已經名花有主㗎啦!

羅毓儀有玩開結他。(羅毓儀 IG圖片)
好有音樂天份。(羅毓儀IG圖片)
日本和服look好Kawaii呢~。(羅毓儀 IG圖片)
真係「路(露)小小」。(羅毓儀 IG圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟