鄧穎芝發文炮轟男子借教武術非禮女子

鄧穎芝(Vangie)於社交網站公開數張一名疑是武術教練的照片,該名男子以手抱着不同女子,部份動作更觸及女性的重要部位。她指摘身體接觸動作誇張,怒斥男子「簡直禽獸不如」,呼籲受害者企出來指證。

鄧穎芝(鄧穎芝 IG 圖片)

Vangie公開爆粗譴責對方:「DLLM你教乜嘢武術呢請問?請廣傳,以免更多人受害!!!!!!!」她續說:「没有任何武術或運動,教授時需要咁多、咁貼近、咁誇張嘅身體接觸,是。没。有!特別係男教練女學生,專業嘅教練識得尊重和避忌,而佢地亦會有相應嘅訓練去以盡量少嘅身體接觸嚟教你,如果要掂到你都會問一聲先,當有可能要掂到你啲比較敏感嘅部位,都會用其他嘢代替手,唔會直接摸你,更加唔會咁樣壓你埋牆,成個身貼住你。

你覺得唔舒服已經係界線,就算你當時好驚無鬧佢,都盡快走,同身邊嘅人講,唔好再返去。唔好比人呃,無人會咁教你,如果你真係對你教練行為有疑問,我歡迎你問我,千祈唔好啞忍呢種對待。

至於呢個猥瑣佬(佢絕對唔係一個教練,不管係知識上定態度上),我希望佢快啲去死,利用別人嘅信任去逞自己嘅淫慾,簡直禽獸不如。如果你識呢個人,或曾身受其害,可以嘅話請你出嚟指證佢。」

鄧穎芝 IG 圖片
鄧穎芝 IG 圖片

她更將對方「起底」,公開其相片及Facebook的帳戶。Vangie仲hashtag話:「女生們求求你好好保護自己」、「大家要明白好多女仔遇到呢啲情況都唔會識得處理」。

鄧穎芝 IG 圖片

Vangie相隔數小時後已有四名受害人聯絡她,並繼續呼籲受害者企出來指證:「個人渣係以試鏡和拍攝為名非禮受害人,如果你都係受害人,希望你可以企出嚟陪佢一齊指證個衰人??♥️多謝大家嘅幫忙同埋咁關心同支持受害人,我哋已經決定咗報警,而(依)家搵緊社工幫忙一齊處理。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟