奪獎後壓力爆煲短暫退出娛圈 陳靜重提抑鬱經歷

陳靜(Dada)早年以?模身份出性感寫真而廣為人知,其後成功轉型成演員,2012年憑《低俗喜劇》徐家欣一角獲提名金馬獎最佳女配角,更成功獲得香港電影金像獎最佳女配角,演技漸受肯定。但當事業正起飛時,2013年因受抑鬱困擾,而突然短暫退出娛樂圈。

出道12年,陳靜在ViuTV日前播出的《金像女情》任嘉賓時提到2013年的經歷。她表示,10年前開始拍戲時就感受到壓力,為了保護自己的私生活,不可以做自己,工作上又要見好多人,但以前未夠成熟不懂處理,而且好多事都不敢表達,成日屈住屈住,甚至不敢和屋企人講。

隨後她演變成抑鬱,最後因失眠而求醫,需要接受藥物治療。她指,當時得獎後因為想努力向別人證明自己,令自己情緒爆煲,「會有好多掣肘畀自己,淨係顧住做嘢,唔想成日出街,連街都唔敢出。」但這段黑暗時期,亦令她與家人關係變好,令她真真正正面對自己弱小一面,不開心會同屋企人分享。

對於13年宣佈退出娛樂圈的決定,Dada表示:「而家唔會咁做,好任性。某程度上我唔可以話自己有病,唔應該咁衝動單方面宣佈,咁樣會影響到人。」

Dada重提2013年的經歷。(ViuTV截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟