王宗堯陳嘉莉尋港味 慨嘆疫情累老店結業

王宗堯(Greg)和陳嘉莉 ( Kelly ) 早前到銅鑼灣一間老店拍攝以拍攝香港情懷的節目,Greg慨嘆不少老字號食肆因疫情而結業,而Kelly則希望疫情過後,食店可以重開。
王宗堯及陳嘉莉趁老店結業前,品嚐美食。
武漢肺炎連月蹂躪香港,經濟大受打擊,各行各業生意大幅下降,不少店舖都因而結業。屹立銅鑼灣超過40年的老字號「蛇王二」亦於上月光榮結業,在開業最後一日,住在該區的街坊王宗堯與Kelly就特別前往拍攝 hmvod 及 Play Yeah TV 聯製的新節目《遺失‧港味》,用影像記低了這間老店最光榮和最感歎的時刻。拍攝當日,幫襯市民絡繹不絕,店外全日打蛇餅,Greg和Kelly亦排隊等了成個鐘才有位,熟客宗堯本身與店長羅先生及員工相熟,甫坐下已跟各人打招呼,店長更為二人親自落單。
二人除了跟店長及街坊閒聊外,亦拍下店舖落下招牌及關閘的一刻,一眾老夥記都非常不捨,店長慨歎「蛇王二」捱過沙士、金融風暴,卻過不了疫症這關,實在可惜。Greg則說:「其實今次係一個巧合,我本身都好想喺舖頭臨結業前食一餐,同店長、員工傾吓偈影張相,記住呢一間好熟成日幫襯、喺我生命中出現好長時間嘅食肆,咁啱蕭生 ( 蕭定一 ) 想做個節目拍低記錄佢,我就嚟幫手,因為好多老舖執咗就冇。」
王宗堯及陳嘉莉與老闆合照。
出生於廣州的Kelly,雖然在港多年,但這次是她首嘗蛇羹餐大叫好味:「好感恩喺『蛇王二』結業嘅最後一日試到蛇羹餐、臘味飯、燉湯,之前經過『蛇王二』未有機會坐低食,佢哋嘅叉雞膶腸飯真係好好味。」Kelly首次拍攝飲食節目,她謂拍攝好開心好興奮,亦希望店舖在疫情之後可以重開,各行各業都要加油,不要放棄,堅持落去。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟