蘇慧恩用咖啡向張家誠「拜師」

蘇慧恩(Ophelia)日前與著名音樂監製張家誠(Alan)於節目訪問後,送上「咖啡」正式拜師。她表示知道對方一日飲幾杯,非常細心。

蘇慧恩送上「咖啡」,正式向著名音樂監製張家誠拜師。

二人日前香港開電視節目《開工大吉77》訪問,為新歌宣傳做勢。蘇慧恩笑指對方是「感情教練」,放心將自己情史傾囊相告:「因為Alan想我唱得有感情啲,所以作曲之前乜都要講晒佢知。最終呢首新歌真係擊中晒我內心深處嘅傷痕,所以拍MV當日我喊到死吓死吓!」而張家誠就話過去聽盡圈中人感情事,但蘇慧恩的情史比其他人特別:「其實我習慣聽大家過去情史,都係想佢地唱得投入,不外乎啲傻豬豬故事,不過蘇慧恩嗰故事比較幻海奇情,所以印像好深刻!可惜我身邊冇咩合適嘅男士可以介紹畀佢,因為佢鍾意壞男人,我真係唔識呢方面嘅人才。」

蘇慧恩及張家誠香港開電視節目《開工大吉77》訪問。

訪問完結後,蘇慧恩向張家誠送上「咖啡」正式拜師:「因為佢一日飲幾杯,我做徒弟梗係要細心啦,佢幫我做歌又知晒我啲情史,分分鐘比爸爸更了解我的感情世界!頭先師傅問我仲有幾多單情史,可以用嚟做新歌題材,我都怕自己冇貨,到時可能要出賣朋友。」

蘇慧恩指張家誠分分鐘比自己的爸爸更了解她的感情世界。

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟