張建聲「招積」上身教抗疫

張建聲(Justin)日前以「招積」造型拍攝防疫短片,相隔三年已發福的Justin,西裝「戰衣」已變得有點貼身,亦令他期望能再拍攝第二季。

「招積」再現!

三年前Justin憑網劇《反黑》「招積」一角爆紅,當年他在劇中生吞吳毅將、殺人唔眨眼,兇殘黐線的程度令人難忘。他近日「招積」再披紫袍戰衣重出江湖,帶同兩個手下準備同擸晒架生人多勢眾嘅南亞幫開拖。「招積」半世人冇嘢驚,始料不及這次回歸遇上最強對手突襲 ─ 新型冠狀病毒。

「招積」重出江湖,教大家防疫。

今次網上影視點播平台 hmvod 抗疫宣傳片,內容講述南亞幫向Justin追數尋仇,但開拖前Justin又要噴消毒劑,又要兩條?帶口罩兼度尺保持 1.5 米距離,仲要一齊去廁所唱洗手歌捽手 20 秒,最後「招積」獻計平干戈,而對白亦涉及時事民生,提到「stay home」及「邊爐家族」等等。

保持1.5米距離

拍攝當日,Justin 重披《反黑》的紫西裝戲服時,即刻「招積」上身,一 roll 機就露出「招積」眼神同招牌笑聲,但畢竟西裝係三年前購置,在《反黑》完成之後 Justin 玩健身操大隻,骨架變大,加上近月因為疫情暫停工作而稍為發福,西裝變得有點貼身,現場他已經笑說:「我會長大㗎!」

出動埋消毒噴霧。

Justin 在拍攝後表示:「拍呢條抗疫片要攞番『招積』件紫色戰衣出嚟,着上身係非一般感覺,因為都相隔三年。好老實,當年着好 fit 身,依家好窄,但感覺好掛住,好想着住呢件衫再拍第二季。」由於社運及武漢肺炎肆虐,籌備多時的《反黑》第二季無奈計劃暫停。至於Justin本身斟洽中的其他影視演出亦相繼延期,所以這段日子除了開會之外,大多時間都係留家防疫,他說:「我嘅防疫方法同大家一樣,冇嘢做就 stay home,同埋帶口罩、勤洗手,都係必需,出去食飯就用公筷,同埋成日用酒精搓手液。」

hmvod 抗疫宣傳片: https://bit.ly/2KJngzZ

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟