苟芸慧疫症照開工 老公超緊張「佢買啲垃圾袋笠櫈」

「幸福人妻」苟芸慧日前為代言的地產按揭公司拍攝新一輯廣告,連足拍足12小時已經未見疲態!更多次轉換不同造型,無論是住家look或是女強人造型,都散發出女神的陣陣仙氣!

「幸福人妻」苟芸慧日前為代言的地產按揭公司拍攝新一輯廣告。

談到新冠狀肺炎病毒肆虐全球,藝人工作亦有影響,苟芸慧自言有不少工作都要延期:「有些延至年底,但都要睇到時情況,如果疫情仲係咁嚴重,可能年底都未必做到,不過呢啲事大家都經歷緊,對我嚟講,等待嘅嘢可能係更美好,唔需要咁心急,或者都係一個好嘅經歷,可以畀我喺屋企多啲休息,諗諗之後嘅路點行,同埋睇多啲戲,欣賞下前輩演技,再次準備好自己。」

同時因為疫情關係,苟芸慧未能飛返加拿大探望家人:「本身打算返加拿大,因為爹地、媽咪、細佬都喺嗰邊,好想返去見佢哋,但可惜而家飛唔到;我亦好想去旅行,唯有睇旅遊節目當去咗,有時播緊旅遊節目,我會叫老公幫我喺電視機前影相,當去咗。」

苟芸慧因為疫情關係,未能返加拿大探望親友。

今次難得在疫情下開工拍廣告,苟芸慧表現雀躍,高呼感恩,問到出門拍攝可有做足防疫措施?苟姑娘即沒好氣表示:「我老公(陸漢洋)超級緊張,反而我就隨遇而安,我覺得大家戴口罩、量體溫、用消毒搓手液洗手,已經好安全,但我老公就緊張到會買啲垃圾袋嚟笠晒啲櫈、舖晒啲枱,搞到好唔方便,我明白佢嘅出發點為我好,但有時似乎過分緊張吧。」

雖然之前經常留守在家,但苟姑娘沒有因而增磅,依舊fit爆,全因她在家中依然運動量十足,除了閒時跟老公打機外,亦大玩HITT(High Intense Interval Training)運動及研究生酮飲食,問到擅長整甜品的苟姑娘可有趁空檔入廚整蛋糕?她說:「留喺屋企都會做自己開心嘅嘢,例如整蛋糕,不過老公唔食甜嘢,整完都係攞落樓下請清潔姐姐佢哋食。」女神果然愛心滿瀉。

有意創業開班教整甜品

提到今次拍地產按揭廣告,苟姑娘自言對投資沒有太多心得,她正努力學習中,但她都好傳統,偏向喜歡「買磚頭」保值,至於有否打算做生意開甜品店?苟姑娘指:「有打算開班授徒,將自己識嘅嘢教畀人,等佢哋又可以整甜品畀身邊嘅人食,係一件好開心嘅事,所以我都有同朋友商量,待疫情過後,租個地方輪流教學生。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟