【笑咗】駱胤鳴交管理費變「保護費」

話說好耐無出街，好耐無同人講嘢，見屋企又無曬蛋，唯有換件衫落街買蛋兼落樓下管理處交管理費，咁大個女第一次一個人搬出黎住，自己交管理費都好合理、好正常，但由於我真係唔太熟悉點樣交，唯有戰戰兢兢咁行去管理處，睇吓前面個男人點樣交，原來遞張紙上去，話自己要交管理費就得。

但我真係太耐無同人講嘢啦，輪到我嗰陣，我行上前大大聲咁話： 「唔該！」 個女仔抬頭望我。 「交保護費！」 面都紅曬。