鄧健泓首執導微電影 搞喊石詠莉

石詠莉 (Sukie) 本月初宣布與唱片公司和平解約後,再與老公鄧健泓(Patrick)以「夫妻檔」拍攝微電影,Patrick更因太緊張,一句話搞喊老婆,好彩應老婆要靚仔做男主角的要求,找來李日朗幫手。

鄧健泓與石詠莉再以「夫妻檔」合作。

Sukie離開唱片公司後第一擊,推出微電影《DREAMS COME TRUE》。微電影由Patrick擔任導演,並參與編劇、監製、剪接等創作及製作。雖然Patrick過往曾操刀拍過幾個有故事性的MV,但今次是首度拍攝微電影,他覺得整個過程都有得着。

鄧健泓(右)首次執導微電影。

雖則已是N次「夫妻檔」合作,但Patrick對太太依然十分欣賞,他說:「每次同老婆合作都好得心應手,因為我太了解佢,佢又好專業,呢次有場撞車戲拍通頂,嗰晚拍落雨又凍又趕時間,Sukie要濕身,成頭血漿,又瞓地,佢冇怨言,工作態度好好;同埋今次好多謝Don ( 李日朗 ) 幫手,老婆成日話要搵個靚仔做主角,相信呢次佢好滿意。」

石詠莉拍落雨戲要濕身。
石詠莉拍場撞車戲,成頭血漿又要瞓地,都毫無怨言。

身為導演的Partick直情係「緊張大師」,在拍攝期間更因為太認真而整喊老婆Patrick笑說:「入面有一場戲喺洗衣舖拍,嗰日我好大聲同Sukie講『唔好掂枱上啲嘢』,佢就覺得我好惡,當場就喊,停咗機六分鐘等佢… 當然之後我要道歉啦。」

鄧健泓拍攝期間因太緊張而整喊老婆石詠莉。
好彩有靚仔李日朗伊做男主角。
石詠莉開心番晒。

一人分飾兩角

Sukie於片中飾演一對孖生姊妹,一人分飾家姐「阿瑩」同細妹「Christy」,兩個角色的性格及態度有明顯分别。最搞笑係有朋友及粉絲看過微電影後,以為Sukie真係有個孖生妹妹,仲讚「妹妹」比較靚,令 Patrick 兩公婆啼笑皆非。

Patrick 又表示很感恩劇中所有演員都有出色的演出,包括兩對飾演Sukie童年和少女的孖生姊妹,這兩對雙胞胎的天份完全超班。另外,他亦感謝錢嘉樂找來錢家班車手吳海堂幫忙拍飛車。而吳海堂一句:「我哋唔係淨係拍大戲,都會回饋電影圈,支持有心人。」讓Patrick很感動。

鄧健泓與吳海堂合照。

——————————
【#有禮送】下載 @ 流動新聞 ?手機APP!玩遊戲
?送你《祟光》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟