鄧月平（Larine）於煮食節目炮製洋蔥湯配松露油炒麵包粒，嘉賓盧覓雪大讚「好好食」，主持兼評判陶大宇更即場問她拎食譜。最終她成功擊敗一眾對手奪冠。
Larine她參加ViuTV的煮食綜藝節目《辣伙頭》，瞬間已去到中段。昨晚播出的一集要以黑糖麵包做菜式，除了原有的三位主持兼評判陶大宇、郭政鴻及楊尚友外，更請來盧覓雪擔任特別嘉賓。她於節目中製作法式傳統洋蔥湯配松露油炒麵包粒盧覓雪稱讚Larine的菜式：「好好食，相得益彰，好滿意係呢個效果。」大宇更說：「我希望你將呢個配方交俾我，我可以帶返去同屋企人分享。」
最後Larine贏得冠軍，她指對陶大宇問她拎食譜感到很驚訝：「我即場寫咗食譜畀佢，希望佢返到屋企真係有煮呢個湯啦！」她又指嘉賓盧覓雪是「咀刁」，直言能夠煮嘢食令對方滿意都係她的目標之一。
提到贏出比賽後喊晒，Larine說：「我覺得每一集都難，不過第一、二集精神啲，到第三、四集已經攰，半個鐘嘅節目其實係拍成十幾個鐘趕製出嚟，到後尾時間唔夠但又要日日拍，唔夠瞓，壓力真係好大，後來有啲女仔同我已經住喺ViuTV隔離間酒店等番工，放工就直接瞓。噚晚嗰集贏咗有啲喊喊哋，係因為努力咗好多集，到今集終於有得攞章，離決賽又邁進一步，係有壓力同有動力，係特別大感觸。」她該集與郭奕芯一齊進入四強，Larine說：「我想佢贏，我自己都想贏，所以攬嗰吓都感觸咗。」
——————————
【#有禮送】下載 @ 流動新聞 ?手機APP！玩遊戲
?送你《祟光》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎！?
——————————
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
