溫碧霞滿意今年成績 放長假飛美國陪家人過節

溫碧霞(Irene)趁囝囝Xavier學校放聖誕假,成功向公司攞咗長假,先飛完峇里再飛去美國紐約,跟老公Kenny的家人齊齊整整過聖誕及倒數迎接新年,享受幸福又溫馨的家庭樂。

溫碧霞到美國探望老爺及奶奶。

孝順新抱Irene表示老公的家人大部分都住美國,多謝公司批准放假,才可以同家人一齊慶祝聖誕,老爺、奶奶見到我哋咁齊人好開心:「連同Kenny嘅表兄弟妹,超過40人呀!好大家族,非常熱鬧,大家都玩到好開心。不過好快就要返香港啦!Xavier同我都唔捨得。希望暑假可以再飛嚟紐約探望老爺、奶奶。」她透露基本上每年都盡可能最少飛兩次見老爺、奶奶:「幾忙都好,我哋好應該盡量抽時間陪老人家。」

溫碧霞老公的家族很大。

Irene表示紐約天氣好凍,令聖誕很有氣氛,家家戶戶的佈置都好熱鬧,她最開心親戚們都陪伴他們四圍去玩:「每次到紐約我必定去中央公園、圖書館,同埋一定去展覽館睇展覽。」她指這些地方對她來說有一種好特別感情,每次都一定要到一到回味這種感覺。

溫碧霞表示紐約天氣好凍。
溫碧霞表示紐約每戶的佈置都好熱鬧。
溫碧霞在美國四圍去玩。
對今年成績滿意

總結過去一年工作,Irene坦言十分滿意:「出咗又靚、口碑好好,又賣得好好嘅寫真集,又拍咗部好好嘅電影《墮落花》,入圍咗幾個大型影展,商演及廣告方面亦一直冇間斷過,最近更接了一個大型廣告,我對自己係過去一年嘅努力係好滿意,所以獎勵一下自己放一個長假。不過放完假後,2020年,一月回來就要重新出發馬上開工。」她祝願大家新一年開開心心,平安健康。

溫碧霞一家三口齊齊去旅行。

——————————
【#有禮送】下載 @ 流動新聞 ?手機APP!玩遊戲
?送你《崇光百貨》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟