雷深如唱《男朋友》 成功引古天樂開金口

雷深如(J Arie)近日出席一間琴行的 live show,她自爆曾於一個春茗上,於古天樂(古仔)面前唱他的歌曲《男朋友》,古仔仲上台獻唱,成為她最美好及搞笑的回憶。

雷深如

J Arie近日獲不同品牌找她於live show上自彈自唱。她透露中六時,暪住家人參加琴行舉辦的公開歌唱比賽:「我初賽就畀人叮走咗,但係竟然有初賽嘅評判搵我開始幫佢唱demo,由嗰時開始,我就認識到唔同嘅監製,再有機會去夾band,去唔同嘅商場、婚禮、Band show唱歌。」J Arie續表示唱咗大約四、五年後,有監製問她畢業想不想做歌手,她說:「讀咗咁耐書,我梗係二話不說就應承左先啦!哈哈!」

J.Arie日前於live show上自彈自唱。

活動上,有歌迷留言表示想聽J Arie唱古天樂的《男朋友》,她說:「我係超驚訝點解聽眾會記得呢隻歌係同我有啲關連!」她解釋前一兩年出席電影工作者春茗時,與小肥、王梓軒等幾個歌手及音樂人上台表演金像獎嘅歌:「古生係演藝人協會會長,我哋諗住喺台上特別鳴謝佢,所以唱咗佢首名曲《男朋友》,嗰時應該仲未有人夠膽係佢面前唱呢隻歌,佢亦都應該已經好多年冇公開唱過歌。」

雷深如

J Arie表示當時有些擔心古天樂會嬲,但唱到中段時,古天樂竟然上台與他們一齊大合唱,引起全場超哄動:「因為嗰次真係古生真真正正第一次開金口!同埋我哋真係手勢跪拜佢,真心尊敬佢陪我哋打成一片咁玩!事後亦都有唔少人話我哋真係好夠膽,但係依家你睇吓,自此之後,古生都有間唔中再開吓金口唱歌!」她指那次大膽的舉動,可謂是他們最美好及最搞笑的回憶。

——————————
【#有禮送】下載 @ 流動新聞 ?手機APP!玩遊戲
?送你《崇光百貨》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟