歌手J.Arie（雷深如）日前到電台宣傳電影《獅子山上》主題曲《哪懼牆攀不上》，她坦言兩、三年前人生和事業均遇上低谷，更透露戶口最黴時只得20多元，要朋友接濟。她說：「戶口得番20幾蚊，要叫人過80蚊畀我先撳到錢出嚟，然後嗰100蚊可以用兩、三日，又試過偷雞暢曬一毫子搭小巴，等人哋唔覺，真系窮到燶。」
她坦言不少新人在頭一、兩年後很難捱，家人都有叫她放棄，再去讀法律進修，但現時做了6、7年已經沒有再勸她：「佢哋見我開心番好多，因為自己都諗通咗，呢段時間做咗好多音樂方面嘅嘢。」
她又謂最窮時試過「秘撈」搵錢：「記得有一年倒數冇騷做，於是我就去個得外國人嘅場唱歌，戴曬帽同眼鏡，以為冇人認得我，點知都有香港人認得我把聲，我叫佢唔好講出去。」
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
