【四面楚歌?】港警PolyU播歌 7曲九唔搭八激勵抗爭者

港警圍攻PolyU 第一個晚上,莫名其妙對Poly 播歌。網民分析,指歌曲與抗爭兩事「九唔搭八」又希望「香港作曲家及作詞家協會」(CASH)跟進下版權費用問題。以下是當晚有播虜放的歌曲:

  1. 年少無知 ——陳豪/林保怡/黃德斌

年少無知係揶揄抗爭者「年少無知」?唔係,反之,根本係叫年輕人唔好放棄理想。《年少無知》係TVB最後一個值得睇嘅劇集,《天與地》片尾曲。《天與地》最終一幕,道出生命另一個可能——人為生活奔波,無發達。但最後五人總算能赴「天台之約」,真誠快樂相視而笑,頗有「煲底之約」的感覺。

  1. 號角——羅文

80年歌曲,講城市烽煙四起。到底城市誰燒起烽煙?歌無講。《號角》原曲為谷村新司的《昴》,80年由鄭國江一曲兩詞,填上《號角》與《星》(關正傑主唱)兩個版本。兩者之間,《星》比較為人所知,且貼近谷村新司原曲。《星》的「尋夢而去 那怕走崎嶇險徑」,似乎是對抗爭者的鼓勵。

  1. 新不了情 ——萬芳

完全九唔搭八。

  1. 那些年——胡夏

完全九唔搭八。

  1. 十面埋伏——陳奕迅

除了「十面埋伏」四個字,都係九唔搭柒。

  1. 監獄風雲 及 今宵多珍重——蔡琴

選此曲之黑警,比較有文化,應該係毅進起碼有Second Up 的,起碼知道這是《監獄風雲》插曲,揶揄抗爭者即將入獄。但別忘記,《監獄風雲》系列本身就是一部庶民對抗權力的電影。除非你覺得張耀揚係忠角啦…….

  1. 告別校園時 ——李克勤

又九唔搭八。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟