藝人兼模特兒謝婷婷已經消失幕前近一年,早在6月2日她上載了一張影住小手嘅相,宣布秘密誕女,而且囡囡已經100日大﹗

婷婷產後昨日首次曝光。紥起高馬尾身穿磚紅色風衣嘅婷婷,面尖尖同大肚前無咩分別,佢坐喺街頭長椅,全神貫注望實右手拎住嘅手機,留言話:「When I’m not with her, all I do is look at photos of her. She is my world.」原來佢係睇緊囡囡嘅相片一解相思之苦。
婷婷一直未有公開BB生父身份,有傳二人喺溫哥華讀書時認識嘅書友,所以婷婷亦喺當地生產。BB出世後佢亦一直未有返港,四哥謝賢同拉姑狄波拉都好似仲未見過個孫女,升任舅父嘅謝霆鋒更加透露自己睇報紙先知婷婷做媽媽嘅消息。