重遊英國母校 杏兒難忘當年行到腳生繭

藝人陳慧珊親自監製和主持的ViuTV節目《放學後》,邀請昔日無綫藝人好友宣萱和胡杏兒,一同遊歷她們少年時求學的地方─英國,第一站就去杏兒的中學成長地貝爾法斯特。

今次重回母校,已是兩子之母的杏兒感觸良多,她透露自己12歲時隻身去當地寄宿,當時人生路不熟,但幾年間就訓練出自學、自決和自行。她說:「以前覺得考試好辛苦,做專題研習、交功課,但原來當你踏入社會工作,就會明白咩叫真正的壓力,原來讀書日子是最輕鬆、最開心,所以而家讀書嘅學生,要好好珍惜讀書嘅時間。」提到自己的寄宿生涯,杏兒笑言最難忘行到腳生繭:「上完英文堂,要上化學堂,我哋就要不斷走,好多人一齊『過班房』,因為路程很遠,加上以前嘅鞋質素唔好,行到腳都生繭。」

由於宿舍提供膳食,所以杏兒每星期只有5鎊零用錢:「約朋友出去玩,肚子餓也會想吃東西,多數都會選擇最便宜的食物,例如吃薯條,齋薯條大概一鎊,事實上很多時候不會外出用餐,因為我沒有多餘的錢,買零食也是買最便宜的,娛樂就是逛市中心,不過只看不買,儲一些錢才會跟朋友去看戲。」不過,她表示這個階段令她學懂珍惜:「好多嘢都得來不易,唔係垂手可得,反而咁樣係好,明白錢嘅重要性,要自己賺錢。」

在節目入面,杏兒更大讚老公李乘德:「我覺得有這樣嘅人生伴侶,對於教育下一代嚟講,我好放心,我哋有好多共同價值觀教育兒子,例如尊重父母、家庭觀念、甚至對於金錢、生活方面,我覺得佢能夠灌輸畀個囝。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟