盧凱彤紀念展揭幕 播最後未完成的歌

紀念已故歌手盧凱彤的展覽今日揭幕,好拍檔林二汶(Ellen)透露場內有一首at17最後一首未完成的歌,希望樂迷睇完展覽聽完作品後,更加了解盧凱彤。

Come What May盧凱彤紀念展覽

《Come What May盧凱彤紀念展覽》今日於藝術中心包氏畫廊揭幕,Ellen的父母、哥哥、劉天蘭、恩師黃耀明、好友林二汶、岑寧兒、唐詩詠、梁文禮等到場,當中最特別的來賓是Ellen最愛的貓咪蘇菲。會場展出了Ellen的結他、畫作、照片、日記等,展覽上亦有播放Ellen工作及生活片段。

Ellen最愛的貓咪蘇菲亦有到場。

二汶表示展覽中有一首at17最後一首未完成的歌《second》:「場內有得聽我哋最後一齊創作嘅歌,希望大家睇完展覽聽完佢嘅作品,更加了解盧凱彤呢位藝術家。縱使心情仍然哀悲,希望大家有個美麗嘅回憶。」此外二汶寄語at17歌迷要學Ellen一樣,帶着愛繼續生活下去,令世界變得更美好。問到二汶有甚麼話對好拍檔說,她想了一會兒、拍拍心口。

林二汶

至於黃耀明指至今仍非常掛念Ellen,他希望到場的歌迷、朋友,用慶祝的心情去紀念Ellen:「Ellen對身邊嘅人同事都好有愛、佢嘅勇氣、對所有事嘅好奇都好值得去celebrate,當然仲有佢嘅音樂。世界咁壞,好需要音樂去治療,而Ellen嘅音樂一直都有治療效果。」展覽日期由即日起至9月1日。

黃耀明
岑寧兒

——————————
【#有禮送】下載 @ 流動新聞 ?手機APP!玩遊戲
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
—————————–

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟