不忿被指抽水 梁裕恆疑揭陳百祥夾女藝人上房

落選港男、健身教練梁裕恆(Flow)日前在社交平台發文,不斷就許志安黃心穎偷食事件發表意見,他撐黃心穎偷食只是追求愛情,罪不至死。他更大曝許志安與鄭秀文(Sammi)的婚姻一早出現問題。Flow的發言引來不少網民批評,他此前在Facebook及Instagram將討論「安心偷食」的帖文全部刪走。梁裕恆今日在IG再就「安心偷食」撰寫長文,他強調這次是最後一次,他否認自己搏出位,他自稱曾推掉媒體邀約專訪,並指如果想出位又怎會推辭。

阿叻:唔識抽水咪自己跌落水囉

陳百祥(阿叻)日前曾表示:「呢個世界嗰個都想抽水,但係你識唔識抽水咁解啫,唔識抽水咪自己跌落水囉」。Flow在長文中疑似對有關講法作出回應,他意有所指地表示,「今日又有另一條契弟出離(嚟)話我抽水」,又指該條「契弟」在娛樂圈壞事做盡,曾經想夾一個女藝人上房,最後傾唔掂數 對人講左句「你以後無運行」,Flow質疑有關「契弟」周身屎,反擊指責對方抽水。

梁裕恆聲稱自己受到網絡欺凌,又意有所指地提到「有一條契弟」指責他抽水。(網上圖片)
Flow強調自己今次是最後一次就「安心偷食」發表意見。(圖片取自IG)
梁裕恆與黃心穎。(資料圖片)

梁裕恆網上發文如下:

最後一次提及《安心事件》

網絡欺凌?言論自由?文化大革命?

刪除post既原因是因為我知道的 要說的都已經說完 對我來說已經告一段落 再講就長氣 老套 事實證明裝睡的人是叫不醒的

我一直既觀點只有幾個:
1.她是有錯
2.在被男方欺騙那一點上 她也是受害人
3.四個人既關係並唔係大家所知咁簡單
4.同樣事情娛樂圈或社會上不斷發生 唔洗咁樣至人於死地

但原來所謂既網民係唔識中文 或者只是標題黨 只會發癲說 你個人道德觀有問題 搞人老公就係唔岩 (我不是說了她都有唔岩嗎)即使社會上大家睇法有唔同 又需要這樣嗎 怎麼香港會變成這樣?

曾經有個年代 觀眾唔鍾意藝人結婚 所以結了都要收埋扮無結 但呢個年代 觀眾鍾意藝人結婚或情侶檔…………你鍾意浪子娛樂圈個個都浪子 你鍾意好男人 娛樂圈就個個都好男人 觀眾鍾意咩 娛樂圈就會有咩

律政司工作需要都會結比你睇 this is partnership

我認為裕美既回應 大方又中肯 但都要比所謂既網民鬧 她幾個家姐完全唔關事 都比人留言洗版
有個人講得好岩 係呢件事上唔踩多佢一腳就已經係敵人 講番句公道小小既說話已經要被攻擊

其中一個原因是 人是不願意接受自己一直相信既事係假的 錯的

我一直無意挑釁所謂既網民 錯在我不知道香港是無言論自由的

我出post後大量是假ac來言語攻擊 大約比例是7成假ac 2成 fans 1成無聊人
飲食業有網絡打手 娛樂圈又怎會無 而所謂既網民真係好搞笑 會認為留幾個言就會覺得自己好威 好大攻擊性 會傷害到我弱小既心靈

農民化社會 佢地既留言正好反映出佢地既層次 我一句都懶得回應 對我來說不痛不痕
很多朋友關心我有無事 對我不太了解 我會堅持做我認為對的事 即使千夫所指 而且怎會為一d完全唔識 無關痛癢既人或說話去唔開心

不過藉著呢件事 大家亦可反省一下網絡欺凌的問題 曾經有人因為網絡欺凌而輕生 很可惜

對這網絡太認真了 你睇d留言就佢地知不知所謂 會在網絡通處鬧人的人 又會正常得去邊
今日又有另一條契弟出離話我抽水 我需要抽水?我需要搏出位?呢條契弟係娛圈圈壞事做盡 曾經想夾一個女藝人上房 最後傾唔掂數 對人講左句 「你以後無運行」自己周身屎既人 做咩要提及我d小人物 抽我水呢 人人都想抽水 但水並唔係咁抽

發生這事後有三個傳媒想約我出來做專訪 我都推了 如果想出位 怎會推辭

我在網上一直有評論政治 社會問題 好多朋友提醒我做呢行 唔好講政治啦 但我性格就係咁 唔岩就要出聲 搏咩出位ja 我根本唔洗靠呢行搵食
對我來說 簡簡單單夠食夠住 做人對得住自己良心就可以

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟