聖誕卡太hea被踩 馮盈盈原諒男友死罪

向來大膽敢言的馮盈盈(Crystal)在近日播出的《後生仔傾吓偈》中,與她的醫生男友「寶寶」在節目上通電,大晒恩愛。適逢聖誕Boxing Day,麥明詩和陸浩明叫寶寶談談拍拖3年來收過盈盈送的聖誕禮物,其間更提到了男朋友所犯下的「死罪」,寶寶怪責盈盈送聖誕卡只寫好少字太hea,更將盈盈與前度女友比較,嬲爆既盈盈發誓以後都不會再送卡給男友,又讚自己好包容。

寶寶在節目中大讚盈盈會因應他的需要送禮物,又會努力製造驚喜。盈盈突然自爆:「有一樣嘢我好堅持嘅,就係唔會送聖誕卡,唔會送心意卡同任何嘅卡。」然後問男友說:「你知唔知點解呀?你記唔記得點解呀?你自己講啦!」寶寶解釋因為盈盈並非那種好深情和感性的女朋友,所以有一次收到女友送的賀卡,見到她只寫了好少字,就嬲了她覺得她寫得好敷衍,無用心去寫。

拎出前度聖誕卡 盈盈寫太短被罵敷衍

盈盈補充並踢爆寶寶原來犯了情侶間的死罪!她說:「嗰時我哋拍拖一年無耐,我送咗張卡畀佢,咁我真係唔鍾意寫千字文嘅人嚟,就寫咗要寫嘅嘢,諗住有張卡同有禮物已經夠啦。點知之後過咗一段時間我哋嗌交,佢就喺櫃桶拎我張卡出嚟話『你睇你張卡幾hea,我以前個ex嗰啲會寫成篇文㗎,幾有心思呀!』仲要拎佢ex張卡出嚟畀我睇,話個ex寫咗幾多字係feel到由心出發嘅,話我寫嗰啲好敷衍。所以我發誓我以後都唔會再送卡。」

大家聽完紛紛起哄,說覺得寶寶不對,盈盈也大讚自己好包容。

馮盈盈在節目中聽到男友的話,馬上翻白眼。(網上圖片)
盈盈讚自己對男友很包容。(網上圖片)
無綫新劇《極度怪咖》27日舉行記招,馮盈盈飾演做警察的千金小姐,被指是女主角。(圖片取自IG)

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟