【你唔係外賣仔!】金馬男配袁富華:最感激古天樂

舞台劇資深演員兼導演袁富華(Ben)憑著《翠絲》中過氣花旦「打鈴哥」一角,在今屆台灣金馬獎勇奪「最佳男配角」。他曾在周星馳電影《喜劇之王》中,說過經典對白「你唔係外賣仔!」。袁富華昨晚回港接受媒體訪問,表明要特別感謝古天樂,「我好敬佩古天樂先生,佢唔止出錢,佢肯做一啲咁嘅題材,落實咗就放晒手,唔俾任何意見,有好大創作自由。」

曾掙扎應否繼續當演員

袁富華當晚上台領獎時以廣東話發表感言:「三十年前我做舞台劇演員,六年後有個重大決定,係咪繼續做演員,掙扎咗一晚之後決定繼續做演員。」 他感激評審肯定,「肯定咗我喺二十幾年前一個好儍嘅決定,係繼續做演員嘅決定係冇錯。」

袁富華由舞台劇演到去大銀幕,佢話仍然有好多舞台劇工作要做,翌日亦有排練,好感激劇組遷就。他更明言特別想感謝古天樂,「好感激古天樂先生,攞咗獎都有同古生講電話,佢都話返嚟食飯,兩個都激動講唔出說話,我就話返嚟先至講啦,遲啲食飯慶祝。」佢又再次多謝古天樂:「我好敬佩古天樂先生,佢唔止出錢,佢肯做一啲咁嘅題材,落實咗就放晒手,唔俾任何意見,有好大創作自由。」

自稱「發霉騎呢啡」 不在意獎項

袁富華早前接受媒體訪問時,自稱是「四線二打六」,又指就算不獲提名都會繼續做,「繼續讓別人覺得我是四線二打六,好熟面口,講唔出名,發霉騎呢啡,無所謂,我在做我喜歡的、開心的事情,其他只是Bonus。」

被問到對金像獎有沒有信心?袁富華就說不在意獎項:「金像獎而家未有提名,但自己永遠覺得係因果關係,我好鍾意演出、創作、藝術,只會諗個『因』,唔會諗個『果』,如果諗『果』就會好唔開心。」

袁富華飾演一名擁有男人身女兒心的跨性別人士。(網上圖片)
袁富華在《喜劇之王》中的演出。(網上圖片)

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟