近排為應付新劇打戲而積極鍛煉的黎耀祥２６日出席活動，他透露已操到有胸肌及腹肌，「我重演三十幾年，除衫就試過，但係未試過騷胸肌腹肌，今次係最後嘅死亡任務。」為了出鏡時肌肉線條效果更明顯，祥仔聽陳豪教路，出鏡前兩日唔飲水，令身體收乾，他坦言過程非常辛苦。
劇中不時需要打鬥及追逐，常導致膝蓋軟骨發炎，即使辛苦，祥仔亦覺得值得，私下亦有影相留念，但明言冇下次，因為54歲嘅祥仔覺得自己歲數唔細。
笑言老婆愛不惜手
問到囝囝有否被感染操弗？佢話︰「有喎，因為佢覺得爹哋過咗五字，仍然咁有恆心去做一件事，所以佢都想操，如果個仔想我陪佢一齊做運動，我都會，因為咁樣會有動力。」問到太太見到弗爆嘅你反應如何？祥仔展現滿意笑容話︰「愛不惜手。」祥仔笑指韓國有大叔熱潮，希望借代言品牌打入韓國市場。
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
