開騷前夕 黃翊妻嘔血昏迷

黃翊昨晚舉行的首次個人演唱會全場爆滿,期間舊愛黃寶欣大爆,黃翊太太陳存正近日身體唔好,兩星期前曾送到深切治療部,昏迷了九日。黃翊當晚接受傳媒訪問時表示:「太太喺10月9號當日喺屋企昏迷,真係好大件事,我見佢嘔到成床都係血,真係嚇死人,唯有即刻叫救護車送佢入醫院。」

黃太患有腎病,一直在港輪候換腎,但黃翊也謂等到機會不大,故計劃去大陸接受手術,但要等太太情況穩定才算。開騷前黃翊更謂最大心願是太太同12歲囝囝可以嚟睇騷,豈料突然出事。

「唔想捨棄3,000個歌迷」

曾有朋友問會否取消演出,但黃翊說「演唱會已經準備得如火如荼,唔係話唔會為太太而取消,但我又唔想捨棄3,000個歌迷,所以繼續演唱會,同時儘量抽多啲時間陪太太」。

黃翊稱太太現在情況日漸好轉,不過黃翊這段時間一邊要為演出排練,又要抽時間探望太太,實在太操勞「所以今日把聲都唔係最佳狀態,希望觀眾體諒。」

黃翊與曾是藝人的太太陳存正共處18年,現有12歲的兒子。(網上圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟