黃翊首次開個唱:等左30年

歌手黃翊23日晚在九龍灣國際展貿中心舉行首次個人演唱會,全場爆滿,不少圈中朋友包括文佩玲、謝寧、邵仲衡、莫振賢、何婉盈、蔡立兒、阮兆祥、黎明詩及黎瑞恩等捧場。甫開場黃翊就已經眼濕濕真情剖白:「等咗呢刻超過30年!由86年參加新秀到依家,企喺呢個台上真係奇蹟!」

黃翊續道:「冇唱歌成25年,自己好懷念唱歌嘅日子,畀10秒我感受下呢30年久違嘅掌聲!」獲台下觀眾歡呼尖叫。演唱會又邀請到舊情人黃寶欣任嘉賓,一同合唱《酒杯敲鋼琴》,然後黃寶欣向黃翊講:「你終於開屬於自己嘅演唱會,好戥你開心」,又指「總之黃翊有咩要我撐,我一定撐!」

拍劇結緣 李克勤任特別嘉賓

個唱尾段黃翊請來一拍過劇集《淘氣雙子星》李克勤作特別嘉賓,合唱《大會堂演奏廳》。兩人提到以前大家屬同一唱片公司,但竟要到依家先有機會合作。克勤自嘲:「我從事咗唱歌30年,依家變咗內地歌手。」

曾被喻為張國榮接班人

黃翊於八十年代加入樂壇,隨即奪得新人獎,獲公司點名力捧,被喻為張國榮接班人,得到張國榮為他作曲,又與王菲推出合唱歌,1991年更憑《最愛的你》贏得金曲獎及角逐男歌手殊榮。但21歲的他因為堅持跟黃寶欣拍拖而遭公司雪藏,直至去年獲邀亮相《流行經典50強》而重出樂壇。

黃翊直言已等了30年。(圖片取自黃翊歌友會Facebook)
李克勤擔任特別嘉賓。(圖片取自黃翊歌友會Facebook)
黃翊(右四)、王菲(左四)與BEYOND、軟硬等的合照,當年黃家駒(中)仍在生。(網上圖片)

 

 

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟