【無綫前主播】黃紫盈轉投亞視! 主持新節目《香港追擊搜》

圖︰黃紫盈轉投亞視,主持新節目《香港追擊搜》。(ig圖片)

亞視又有新搞作,上周於網上平台開播嘅《香港追擊搜》,搵來無綫前主播黃紫盈同周嘉儀,齊齊主持呢個全新時事資訊節目。黃紫盈今日(16日)於facebook留言話︰「《香港追擊搜》首播以來評價正面,感謝各位的Cap圖、收看和分享~紫盈會繼續努力,加油!加油!」

在節目中,黃紫盈負責「Observation」(觀察)主題,佢早前接受訪問時話︰「我覺得班底幾好,有活力,有一個平台能夠健康成長,開心嘅。今次幾得意,唔係純做新聞主播,仲會分享個人感受。」

離開無綫5年 黃紫盈做過咩?

其實黃紫盈離開無綫已有5年,曾做過宣傳人員、公關、主持、自組製作公司拍旅遊節目,又會教小朋友做小主持等。

黃紫盈受訪時話自己好怕悶,當初大學畢業因為記者冇位,先轉做主播咋!「咁啱嗰幾年(TVB)就發展24小時新聞台,要度大量新橋同做節目,做人訪、research、分析數據、天氣報告都要度埋,好似讀多幾年大學咁,但好玩嘅。」

無綫每年出咁多「新聞小花」,黃紫盈又會唔會覺得樣靚有著數?佢話︰「好多前輩話,做主播唔一定要美若天仙,太靚反而聽唔到你講乜,最重要係將訊息話畀觀眾知,所以眼神接觸好重要,每次望鏡頭,就好似同一個朋友講緊一項重要資訊咁。」今次黃紫盈又重設電視,大家又可以睇到佢嘅專業咁分享資訊喇!

圖︰《香港追擊搜》除咗有黃紫盈(左一),仲有另一位TVB前主播周嘉儀(右一)主持。(ig圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟