【聲帶又出事…】林欣彤舊患復發要停工 12月演唱會延期及退票!

圖︰林欣彤舊患復發停工,年底演唱會都要延期!(ig圖片)

2010年參加《超級巨聲2》入行做歌手嘅林欣彤(Mag),原定於今年12月喺九展Star Hall舉行《What if…林欣彤演唱會2018》,不過今日(15日)突然傳來演唱會嘅延期通知!

聲帶出問題 只能作有限度演出

根據Mag所屬公司「手工藝創作公司」發出之延期通知指,「林欣彤近日因為聲帶問題,只能作有限度演出。在聽取醫生專業意見後,並考慮到林欣彤目前的健康狀況,本公司決定將演唱會延期舉行。」延期通知同時向各主辦單位、贊助商及已訂票嘅歌迷造成不便感到抱歉;而退票安排將會於「TailorMade手工藝創作」facebook公佈。

早於12年,Mag亦曾經因為喉嚨生繭而失聲,仲因厭食症「暴瘦」,同患上抑鬱症。佢曾經喺節目憶述,聲帶撕裂令喉嚨痛得好犀利,足足有兩個月冇開聲講嘢!最後經過1年時間治療同休養,Mag先可以好返。事隔6年,Mag再次聲帶出問題,而消息一出,網民紛紛留言支持Mag,「努力休養把聲,之後唱多啲好歌比大家聽」、「最緊要聲帶好番….以最佳狀態演唱,mag加油!」

希望Mag快快好返,可以再同大家見面啦!

圖︰「手工藝創作有限公司」延期通知。(fb圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟