【佢哋都喺TVB認識…】藝人夫妻逐對追! 邊一pair人最合襯?

圖︰TVB歷年都撮合過唔少藝人夫妻,唔少已結婚多年,至今仍非常恩愛。(網上截圖)

近日陳展鵬和單文柔近婚,陳展鵬仲喺婚宴上情深唱出劇集插曲《差半步》,單文柔都喊住嗌感動,仲話未識老公之前,都已經好鍾意睇陳展鵬嘅劇集同呢首歌呀!到單文柔2016年參選港姐,陳展鵬又擔任星級評判之一,計落佢哋嘅「媒人」其實係TVB呀!

其實TVB歷年都撮合過唔少藝人夫妻,佢哋都係因為合作拍劇或主持節目等,因擦出愛火花!仲有唔少人結婚多年,至今依然恩愛!

鄭嘉穎、陳凱琳

鄭嘉穎和陳凱琳都係今年結婚嘅藝人夫妻,雖然佢哋年齡上相差22年,但外型就襯到絕!二人係因為拍攝劇集《殭》時相戀,今年8月在印尼峇里結婚,婚後仲見到佢哋孖住出席品牌活動,生活幸福美滿。

陳豪、陳茵媺

陳豪同陳茵媺到而家都不時在網上放閃,佢哋當年一齊參演TVB劇集《心戰》而相戀,拍拖兩年後於巴黎結婚,婚後更三年抱三,育有2仔一囡。而家陳茵媺專心照顧仔囡,陳豪就努力工作賺錢,男主外、女主外,都不忘抽時間拍吓拖,真係好令人羨慕嘅一對。

郭晉安、歐倩怡

郭晉安同歐倩怡結婚10年,二人因為拍攝旅遊節目而認識;剛拍拖時,二人都正值事業低潮,靠互相鼓勵、互相扶持渡過難關。佢哋婚後育有一仔一囡,當郭晉安發現二人關係太著重於子女,婚姻有機會出現危機時,更會提出與歐倩怡每星期有一次二人晚餐,重新建立夫妻感情。

王祖藍、李亞男

王祖藍同李亞男呢一對真係估都估唔到,話說李亞男於2005年奪得華姐冠軍,後於教會認識王祖藍;二人於06年曾經拍拖,但好快又分手;至09年,已經歌影視三邊忙嘅祖藍向李亞男送上情信,同埋自己寫嘅《跌落凡間的天使》一曲,成功感動李亞男並與他復合。二人於2015年結婚,至2018年7月,李亞男宣布懷有身孕。

楊證樺、沈可欣

至於楊證樺同沈可欣,就因為在多齣劇集合作,而日久生情。楊證樺同沈可欣不時於劇集出演配角,又因為二人有夫妻相,成日要演夫妻,結果演出感情來!佢哋於2015年拉埋天窗,仲成為「御用夫妻」,於TVB劇集《踩過界》同埋《平安谷之詭谷傳說》演夫婦!現時二人育有一仔,沈可欣早前更宣布再次懷孕,楊家準備迎接新成員了!

陳榮峻、吳香倫

另一對因為拍劇而相識嘅,係甘草演員陳榮峻同吳香倫,二人早於2010年拍攝《怒火街頭》時認識;但至陳榮峻亡妻離世後,二人才開始發展。佢哋拍拖3年多,終於今年7月結婚。呢一段黃昏戀,仲得到唔少觀眾支持,幸福感滿滿的!

羅仲謙、楊怡

楊怡同羅仲謙2012年因拍攝TVB劇集《On Call 36小時》而撻著,雖然楊怡比羅仲謙年長5年,但仍無阻呢段姊弟戀開花結果。佢哋於2016年結婚,至今仍非常恩愛。

陳智燊、宋熙年

陳智燊同宋熙年分別於英國同澳洲長大,後來因為於TVB主持《港生活.港享受》而認識,二人拍拖7年、至今結婚兩年,現育有一子。雖然外間當初唔太接受宋熙年,但二人就用時間證明「打風都打唔甩」,而且婚前、婚後都一樣咁甜蜜!

梁朝偉、劉嘉玲

梁朝偉同劉嘉玲結婚10年,但互相扶持已經有30年!佢哋未成為影帝、影后之前,已在TVB合作拍過多部經典劇集,包括︰《新紮師兄》、《再版人》、《鹿鼎記》;最後兩齣劇入面,更加係演情侶同夫妻!二人戲假情真、相戀多年,終於在2008年結婚。

劉青雲、郭藹明

講到模範夫妻,不得不提劉青雲同郭藹明!佢哋早於拍攝TVB經典劇集《大時代》時認識,不過就未即刻相戀,及至拍完該劇,周慧敏邀請二人欣賞其演唱會,佢哋先開始發展戀情,至今結婚已經20年,恩愛依然!

圖︰劉青雲、郭藹明因拍攝《大時代》認識,更成為恩愛夫妻典範!(網上截圖)
圖︰陳智燊和宋熙年因主持《港生活.港享受》而擦出愛火。(ig圖片)
圖︰羅仲謙和楊怡雖然係「姊弟戀」,但愛得甜蜜。(網上截圖)
圖︰41歲陳展鵬日前迎娶28歲女友單文柔。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟