
11年參加港姐獲第4名的麥美恩(Mayanne),今日(10日)以代言人身份出席活動,並透過自己有投資習慣,且從未損手!投資有方嘅Mayanne仲話,有意於今年置業,目標係喺溫哥華買一層超過500萬港幣嘅樓,送畀爸爸、媽媽。
會問專業人士攞貼士?
Mayanne指,自己有投資買基金,「我成日都會問專業人士嘅貼士。」又稱,「自己都有做功課㗎!努力搵錢之餘,都想將來舒服啲;有長遠投資,相輔相成。」
講到今年決心要買磚頭,Mayanne話,都有留意吓香港嘅樓市,「見到業主開始劈價,作為香港人係好事,因為好多人都儲咗錢上車,回落少少係好事,其實我都有諗會喺香港定溫哥華買先!」不過,Mayanne認為父母都年紀大,又唔喺香港,希望今年先買樓送畀佢哋,認真孝順!