【老婆出軌?】黃浩然︰我哋好好呀! 一家四口黃昏遊沙灘

圖︰黃浩然太太Kaka被傳與人夫曖昧,黃浩然指絕對相信太太,最近經常晒家庭樂相片。(ig圖片)

43歲黃浩然與太太莫家嘉(Kaka)結婚快將踏入13年,二人育有兩名兒子Kayden和Ransley,一家四口樂也融融。雖然Kaka最近被傳與人夫曖昧,更有圖有文,但黃浩然回覆傳媒表示︰「呢啲好舊㗎喎!」又指︰「我對太太絕對信任啦!」

黃浩然最近更不時在ig晒出甜蜜家庭照,昨日(9日)佢就分享太太同兩個囝囝玩沙嘅照片,一家四口在沙灘享受黃昏magic moment,真係羨煞旁人呀!

曾患罕見病 病癒後感激太太照顧

黃浩然年前曾患罕見病「貝塞特氏症」,病癒後他更感激太太Kaka多年的照顧。至於與Kaka「出軌」的相關爆料包括︰Kaka與一任職廣告界的已婚男子Ray關係非比尋常,並有數張二人的親暱合照,以及疑似Kaka與Ray的通訊截圖,對話大膽、言詞曖昧,疑為Kaka的一方更留言︰「我需要一張床,同一個男人。」不過,黃浩然對太太絕對信任。

事件發生後,黃浩然與Kaka分別在ig頻頻上載甜蜜合照「放閃」;最近黃浩然被問事件有否影響二人婚姻?佢就回覆傳媒指:「我哋好好呀,謝謝。」見佢哋一家四口嘅甜蜜相片,相信佢哋都冇受影響,仲可能愈來愈sweet呀!

許紹雄、陳煒撐二人恩愛

有份參演黃浩然與Kaka定情作電影《新紮師妹》的許紹雄,不相信Kaka出軌:「兩個我都識咗好耐,睇住佢哋拍拖、結婚, 一直都好好、好恩愛,我同浩然拍緊《多功能老婆》嘅時候,佢仲講佢老婆嘅近況畀我聽,我絕對唔會相信!」

至於同黃浩然先後合演《果欄中的江湖大嫂》、《多功能老婆》的陳煒,亦不相信黃浩然太太Kaka出軌:「佢哋不嬲都好好, 仲啱啱去完旅行返嚟,佢太太係形象設計,我有時揀衫都會問佢意見,佢係一個好爽朗嘅人。」

圖︰黃浩然一家四口合照。(ig圖片)
圖︰雖然黃浩然忙拍劇,但仍會把握時間同家人相聚。(ig圖片)
圖︰昨日又同家人一齊去沙灘欣賞日落同玩沙。(ig截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟