【又一世紀合照!】與何韻詩6年後再合照 容祖兒︰從來都係好友

圖︰容祖兒與何韻詩6年後再合照,即成網民熱話!(ig圖片)

近日,何韻詩、容祖兒在內的一張「世紀合照」,引發網民熱論;唔少「菇祖粉」更十分興奮,搞到阿詩要現身留言,叫大家︰「冷靜啲啦你哋!」而祖兒接受訪問時亦表示:「影到張相,大家開心,我覺得觀眾亦都好唔冷靜。」又指佢同阿詩︰「其實從來冇唔好囉!」

阿詩、祖兒、師兄 3人關係複雜

其實阿詩、祖兒同劉浩龍(師兄)曾經在人前非常「老友」,但3人之間嘅關係複雜,師兄為阿詩「舊愛」,而阿詩、祖兒曾被傳「茹祖戀」;至2012年師兄突然與祖兒拍拖,而事前阿詩卻不知情,此後阿詩、祖兒就「斷絕來往」喇。今年初,有傳祖兒同師兄已分手,但消息一直未被證實。今次見到阿詩、祖兒出現於同一合照,Fans都好激動,仲話等咗呢張「世紀合照」足足6年!

話說黃耀明上周四(4日)到日本東京開騷,並分享一張他與阿詩、祖兒、楊千嬅、蔡德才的街頭合照;網民見到照片入面嘅祖兒同阿詩,即刻引發熱論!到星期六(6日)祖兒去澳門出騷,被問及是否與阿詩「重修舊好」?祖兒就話:「其實從來冇唔好囉!我諗關係上冇太大問題,喺成件事裏面我自己覺得冇嘢,同埋緣份囉,所以對我嚟講喺咁嘅場合見到係好自然嘅事。」

至於師兄,其實佢都啱啱去完東京,不過就話自己冇去明哥演出,亦冇撞到祖兒、阿詩。對於祖兒、阿詩嘅「世紀合照」,師兄就淡然回應,「我覺得好普通,成班朋友去支持明哥,呢張相好緊要,係代表我哋好團結,香港嘅歌手一齊去支持明哥。」佢又話,「我同朋友去咗食飯,message咗明哥話去唔到喇!good show啦!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟