【延禧攻略】宮中7美新動向 吳謹言、佘詩曼、秦嵐有劇上!

圖︰(網上截圖)

清宮劇《延禧攻略》於TVB播出後,轉眼又嚟到大結局;劇中演員都因參演呢部劇集人氣急升。究竟劇中嘅7位後宮美女有咩新動向?等我哋一齊數吓吳謹言、佘詩曼、秦嵐,仲有姜梓新、張嘉倪、蘇青同譚卓有咩新劇同新戲上啦!

吳謹言

「魏瓔珞」吳謹言係《延禧攻略》嘅女主角,佢憑此劇而人氣急升。佢同《延禧》大部分演員「原班」參演嘅《皓鑭傳》,會再同「乾隆」聶遠演情侶。而2018年入面,佢有份參演嘅劇集仲包括︰《外灘的鐘聲》、《朝歌》、《十里洋場拾年花》、《你是我的答案》等,仲有電影《無問西東》同《說走就走之不說再見》,真係曝光率極高!

佘詩曼

佘詩曼(阿佘)於《延禧》飾演嫻妃一角,令內地觀眾見識到佢可正可邪、多元化嘅演技。2018年,阿佘就有唔少電影作品上映,除咗年初同黃子華合演《棟篤特工》,亦有特別演出《黃金兄弟》;有待上映嘅新片仲有《西伯利亞風雲》,同於《死亡通知單:暗黑者》一片中客串。

秦嵐

「富察皇后」秦嵐,深受觀眾愛戴,受歡迎程度分分鐘高過吳謹言呀!佢仲有多齣已拍攝嘅電視劇未播出,包括︰《外八行》、《填四川》、《萬水千山總是情》同埋《夜空中最閃亮的星》。當中,《外八行》係講述360行以外嘅8種行業,秦嵐飾演嘅金繡娘,係一名絕色花魁,即係話,秦嵐會由演皇后變成演「青樓女子」呀!相信又係一次演技大考驗喇。

姜梓新

「明玉」姜梓新現年只有23歲,雖然演出作品唔多;但憑《延禧》一劇,令佢成為備受關注嘅新秀!除咗《延禧》之外,佢喺2018年仲有另一齣劇《新笑傲江湖》上演,佢喺劇中飾演小師妹岳靈珊一角,不過始終唔及「明玉」咁受觀眾認識。

張嘉倪

「順嬪」張嘉倪,在《延禧》一劇雖然戲份唔多,但就贏得「最美奸妃」之名。31歲嘅張嘉倪入行多年,今年嘅已播映劇集仲包括《溫暖的弦》;而佢有份主演嘅劇集《頭牌》,亦有待播映。

蘇青

蘇青飾演嘅爾晴,奸到令觀眾恨之入骨,搞到觀眾邊睇邊鬧之餘,亦大讚佢演技好!2018年,佢有份主演嘅劇集仲有《那些年,我們正年輕》同《斗破蒼穹》;另外仲《我不是特工》、《天龍八部》等劇集,仍未播出,都幾多產㗎!

譚卓

至於飾演「高貴妃」嘅譚卓,佢喺《延禧》一劇中嘅囂張神態,令觀眾十分憎惡!譚卓一直有喺其他作品做女主角;2018年,同吳謹言再次合作嘅劇集《皓鑭傳》,於劇中飾演華陽夫人一角,係秦孝文王最愛嘅女人。

【即睇新造型】

圖︰吳謹言於《皓鑭傳》飾演女主角李皓鑭,即史上秦始皇嘅媽媽。(微博圖片)
圖︰佘詩曼參演電影《西伯利亞風雲》。(網上截圖)
圖︰秦嵐於《外八行》中,要飾演「青樓女子」。(網上截圖)
圖︰姜梓新在《新笑傲江湖》飾演岳靈珊,但都唔及《延禧》嘅「明玉」一角咁為人認識。(網上截圖)
圖︰張嘉倪參演《頭牌》。(網上截圖)
圖︰蘇青參演《我不是特工》。(劇照)
圖︰譚卓於《皓鑭傳》中飾演華陽夫人。(劇照)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟