【身形暴脹!】尹蓁晞患甲狀腺病 曾受呢個病困擾嘅仲有……

圖︰尹蓁晞(Yumi)因甲狀腺問題身型變腫。(微博、ig圖片)

尹蓁晞(Yumi)昨晚(4日)與黃榕、仙樂都等人現身活動;有一段時間未有露面的Yumi,身形比以前脹咗好多,原來係受甲狀腺問題困擾呀!除咗Yumi,其實有好多名人都曾經患上甲狀腺疾病,令身型、樣貌受影響。

苟芸慧

苟芸慧數年前曾因甲狀腺失調導致身形暴脹,體重更試過增至76kg(約168磅),仲畀人叫「肥苟」,令佢諗過退出娛樂圈!佢曾於受訪時憶述,「嗰陣係2013年,唔知點解體重不斷上升;後來唔食嘢淨係做運動都依然肥,就知道出咗問題去睇醫生,原來係甲狀腺病,成因應該係壓力。」佢話當時「睇嘢好灰」,加上身邊有好多負面評語,令佢好唔開心。

為了修身,苟芸慧透過做運動、控制飲食而成功減磅。瘦身初期佢主要食蔬菜,到中段至後期,就因應體質去調整飲食。運動方面,佢會選擇跑步減壓、減磅;亦會打高爾夫球。苟芸慧認為,要成功減磅,心態都好重要;只要心情、情緒好,就會加快瘦身速度!

黃秋生

黃秋生二十多年前曾患甲狀腺病,並因服用太多類回醇而導致全身腫脹!1997年,當佢拍攝《誤人子弟》時,佢嘅病程更嚴重到視線出現問題,睇嘢時更出現重影、一變四。黃秋生多年後重提患病經歷,坦言曾悲觀到擔心自己的演藝事業從始「玩完」︰「每朝起身見到自己成個史力加咁,我係導演都唔搵自己拍戲啦!」

佢身形曾暴脹至208磅,拍攝《誤人子弟》時「吃藥吃到傻」,已打算拍完戲就到倫敦接受治療;而1998年的作品《野獸刑警》,都係於患病時拍攝,但仍奪得影帝!最後黃秋生到英國治療,再重新出發、再戰娛圈。

尹蓁晞

尹蓁晞(Yumi)因患甲狀腺疾病,進身藥物後令身體水腫,「食少少已經可以好肥!」Yumi指現時已經好番晒、停咗藥,不過情況最差嗰陣,都覺得好大壓力,搞到有少少抑鬱,唔想出街見人!佢希望,「keep番好個身體,遲啲先再出返嚟幕前。」

問到Yumi最近嘅生活,佢就話︰「而家都係休息為主,要增值自己,學吓做戲同做瑜珈。我最想自己可以健康啲。」佢又話︰「身邊有好多朋友叫我減吓肥,起碼減番40磅,但係我想減20磅左右,點都唔可以好似20歲嘅狀態。」

圖︰苟芸慧曾因甲狀腺問題而身形暴脹。(微博圖片)
圖︰苟芸慧靠運動健康修身。(微博圖片)
圖︰黃秋生亦曾因甲狀腺病而身形暴脹,更影響視力,最後要到英國休養。(fb圖片)
圖︰Yumi未患病前,又瘦、又靚。(微博圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟