【張學友演唱會】回港前先到高雄開騷 兩地售票方式有咩分別?

圖︰張學友到香港紅館開巡迴演唱會最後一站前,會先到高雄巨蛋開3場演唱會。(環球音樂圖片)

《學友·經典世界巡迴演唱會》香港站嘅信用卡優先訂票今日(4日)開始!唔少歌迷仲同售票網搏鬥之際,張學友去香港前,原來會先於2019年1月4至6日,在高雄巨蛋連開3晚演出。其實《學友‧經典世界巡迴演唱會》曾於2017同2018年於台北小巨蛋開過騷,今次移師高雄開唱,南部嘅歌迷都可以一睹「歌神」風采喇!

究竟高雄站同香港站嘅售票方式有咩分別?搶票又有冇香港咁難?

用拓元售票 優先購票定在同日開售前2小時

張學友演唱會嘅高雄站門票,將於今個星期日(14日)開賣;上午11點先有信用卡嘅「限區限量」搶先購票,下午1點就會喺拓元售票開賣。拓元售票曾處理唔少熱賣演唱會,包括五月天、張惠妹等演唱會;當中,張惠妹烏托邦巡城演唱會要售賣12萬張票,而拓元售票都有於事前做好準備,令觀眾在短短12分鐘內訂晒12萬張飛!可惜因為線上付款需時較長,令唔少訂單因為塞咗喺線上付款階段,觀眾最後都係購票失敗。

香港售票網經常都會出現入唔到網站買飛嘅情況,但以往用拓元售票嘅節目,就多數可以喺短時間內入到網站,知道買到定買唔到飛;起碼唔洗等成日,都仲未入到個網!香港方面,有成功於優先訂票買到香港站門票嘅觀眾就話,購票時唔可以等系統本身嘅5秒重試嚟進入網站,「唔可以等5秒reload,咁樣太慢,永遠都買唔到!」想睇到香港站,亦可留意10月12日(下星期五)上午10點公開售票嘅購票方法!

《學友‧經典世界巡迴演唱會-香港站·再見篇》開售購票方法

1)網上購票,登入 www.urbtix.hk;
2)致電 2111 5999,以信用卡電話購票;
3)使用流動購票應用程式 My URBTIX 購票。

《學友‧經典世界巡迴演唱會-2019高雄站》演出場次

2019年1月4日(五) 晚上8:00
2019年1月5日(六) 晚上7:30
2019年1月6日(日) 晚上6:00

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟