【每位過萬元】雞排妹日本做伴遊 東京3天團有咩玩?

圖︰雞排妹今年年初宣布到日本進修,11月更會親自做伴遊,帶團友遊東京。(ig圖片)

台灣性感女星鄭家純(雞排妹)一向都有主持飲食節目,絕對是識飲識食之人!雞排妹今年年初宣佈要去日本進修,而最新消息係,佢將會做伴遊,畀台幣$39999(約港元$10282),就可由雞排妹親自帶領遊東京3日喇!究竟3日入面可以做啲咩?即刻睇睇先。

同遊富士急樂園 去五湖賞楓葉

3日東京遊,行程包括︰到富士急樂園,雞排妹更可能與團友玩機動遊戲;又會遊富士五湖,一齊睇楓葉。到第二日,雞排妹又會帶團友到高尾山,一齊坐吊車上山,再到藥王院並肩稟神;再同遊表參邊道!仲可以同雞排妹一齊歎燒肉、飲啤酒。最後一日行程,團友可以同雞排妹換上和服,同遊江戶東京建物園,仲可以一齊影相留念!

而上述收費包括︰團友自己嘅住宿費、門票費用、餐費(7餐、包早餐)同埋3日車費,而雞排妹每日都會伴遊10個鐘。不過,呢個並唔係單對單旅行,而係全程有14位團友(一行15人)嘅旅行團,而雞排妹會負責為團友翻譯同介紹旅遊景點。至於機票錢就要參加者自費,而行程就規定於2018年11月19日啟程;雖然有啲限制,但旅行團一出,即有大批粉絲湧入搞到網站癱瘓,相信14個名額應該都已被掃清!

而雞排妹透露,佢會於12月再推出沖繩旅遊團,2019年仲會加開櫻花季大阪團,似乎都仲有好多機會呀!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟