
最近又被傳婚變嘅楊冪同劉愷威,男女主角都決定唔回應傳聞,而老爺劉丹只回應一句︰多鬼餘!而楊冪今日(28日)亦如常開工,現身西班牙San Sebastian Film Festival (SSIFF),出席電影《寶貝兒》嘅首映。不過,就因為相片而出現一段小插曲。
外媒鏡頭下「現真身」
習慣「美圖」嘅楊冪,於外國傳媒鏡頭下「現真身」,仙氣冇咗、老態盡現,比真實年齡(32歲)老好多呀!不過睇番楊冪工作室發嘅相,楊冪嘅仙氣、慧黠就全部番晒嚟!
講返今次在影展放映嘅《寶貝兒》,係今年SSIFF唯一入圍主競賽單元嘅華語片;電影於9月19日已在大陸上映。當影片放映完畢,觀眾都有報以熱烈掌聲回應;楊冪於記者會上,亦十分認真回答每個題問,仲大談拍攝期間嘅心路歷程呀!
