【娛圈世紀大和解】一張相破冰！除咗袁詠儀、張新悅仲有佢哋……

由

2018-09-28 15:22

圖︰名人鬧不和實屬常見，其實只要一張相、一個擁抱，往往就可以冰釋前嫌。（網上截圖）

名人鬧不和實屬常見，而時間或者就係最好嘅「調和劑」；時侯到了，大家影張相咪好返囉！好似近日於網上流傳嘅一張「世紀合照」，主角張新悅同袁詠儀出席薛芷倫嘅生日派對，仲一齊同壽星女影相，薛芷倫分享相片時，就留言話係「世紀合照、世紀大和解」！

話說張新悅同袁詠儀1997年一齊拍攝電影《戇星先生》，袁詠儀覺得後面有人不停咁推佢，就發火鬧咗一句︰「你哋唔好推我喇！」，佢又不滿當年嘅新人於片場唔夠認真；此後20年，張新悅同袁詠儀就冇再見面喇。張新悅日前受訪回應「世紀合照」時就話，「唔知咩一回事」，只係挑剔張相「好多p圖」，搞到佢「好似膠面咁」，但起碼冇再明示或暗示袁詠儀啲咩。

其實除咗張新悅同袁詠儀，仲有好多名人都曾經鬧過不和，最後一張相、一個握手、一個擁抱，就和好返喇；即刻睇吓以下相片同事件啦！