【後生仔傾吓偈】拍幾多次拖先夠? 馮盈盈唔講數字︰有了寶寶已足夠

圖︰馮盈盈唔講拍幾多次拖先夠,仲「放閃」同男朋友話︰「有了寶寶已足夠。」(ig、影片截圖)

如果大家有留意《#後生仔傾吓偈》,應該會留意到馮盈盈成日提起佢嘅「寶寶」。最近一集講到「前度的遺物」,節目開始時問到︰拍幾次拖先為之夠?當大家都寫數字話起碼4至5次時,馮盈盈竟然好認真咁話「有了寶寶已足夠」。不過,同樣係港姐冠軍出身嘅麥明詩,一句就突破盲點!

麥明詩︰寶寶只係一個未知數

雖然馮盈盈努力「隔mon傳情」,但麥明詩就話︰「佢個寶寶只係一個未知數、一個X,呢個唔得,下個都係叫寶寶。」另一主持陸浩明(6號)就叫馮盈盈寫自己拍過幾次拖,仲笑佢應該有「寶寶0.1」、「寶寶0.2」。不過馮盈盈最叻就係處變不驚,繼續笑住叫寶寶放心,搞到麥明詩懷疑佢最近一定係做錯事;前幾集,馮盈盈又真係發現自己「得罪未來奶奶」,唔通想挽回印象分?

至於會唔會保留前度所送嘅禮物?麥明詩就話,會留起所有卡片,得閒仲會翻睇!至於6號同馮盈盈就話唔會,不過6嘅就話,如果相片已上載到facebook,就唔會刻意刪除。而馮盈盈就話,曾經收過一過男仔送嘅電話殼,個殼印有佢自己個樣,佢就「借花敬佛」送咗比寶寶!馮盈盈仲話︰「佢(男朋友)試過喺有30幾個佳麗嘅旅遊巴,拎住個殼出黎尋人。」相信睇到呢度,觀眾已經被閃到暈喇!

圖︰馮盈盈口中的寶寶,應該都係男友鍾文浩喇!(Instagram圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟