【全程Cool爆…】《延禧攻略》傅恆抵港 許凱唔答問題、拒收禮物

圖︰《延禧攻略》中飾演傅恆嘅許凱,被指昨日(23日)抵達香港機場時態度輕佻。(微博圖片)

《延禧攻略》演員來港宣傳,唔少Fans都喺機場、酒店守候,而劇中飾演傅恆嘅許凱,更吸引30幾人於機場接機,唔少Fans更送上禮物!不過,許凱全程「Cool魔」上身,fans送禮物畀佢,佢全部唔收,又唔接受傳媒訪問,因此被指態度輕佻。

係咪同白鹿拍拖? 許凱繼續封口!

最近,許凱被拍得出入內地女藝人白鹿嘅寓所,令佢同白鹿嘅緋聞愈傳愈熱!究竟係咪同白鹿拍拖呀?但工作人員示意許凱唔接受訪問,記者嗌問題,許凱繼續封口冇回應。

據悉,許凱離開機場後,其座駕直駛至下塌酒店時,仲兜多咗一個圈先再返酒店;戴住口罩嘅許凱落車時,即使有Fans嗌佢個名,佢都冇應呀!總之,許凱嘅態度,就同其他同劇演員,如︰蘇青、吳謹言嘅親民好唔同啦!

圖︰白鹿同許凱之前一齊拍古裝仙俠劇《招搖》,因合演男女主角而傳出緋聞。(微博圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟