【跑完去喪食?】孖古巨基韓國跑馬拉松 Kenny節食失敗跑步「還債」!

圖︰古巨基同關智斌早前去咗韓國首爾參加馬拉松賽事,跑完仲去喪食呀!(ig圖片)

古巨基同關智斌(Kenny)早前去咗首爾,參加馬拉松賽事;去得韓國,又點會唔食吓炸雞、部隊鍋、烤肉呀?下個月就喺九展舉行Boy’z演唱會嘅Kenny,本身正密密節食操Fit自己,點知…… 佢同古巨基一齊食咗蜜糖炸雞、部隊鍋、韓式烤肉、蜜瓜yoghurt沙冰、意大利棉花糖咖啡、綠茶奶蓋、梳乎釐pancake等美食,搞到要每朝跑10k減輕內疚感呀!

Kenny︰巨基呀,我on diet緊㗎!

Kenny今日(19日)在微博分享佢同古巨基喪食嘅相片,留言話︰「本來是很健康的在首爾參加馬拉松…本來…然後基仔說知道我要開show,而且跑完馬拉松要好好補充體力…然後…然後呢……」之後就列舉出佢哋食咗啲咩嘢食,Kenny續指,「巨基呀,我on diet緊㗎!」仲hashtag話︰「我道行都低估了你我以為撐得起」、 「千祈唔好同地膽去旅行」、 「唯有每天提早起床跑10公裡減輕內疚感」!

古巨基就喺自己ig留言話︰「在首爾跑完馬拉松,智斌的BOYZ演唱會在即,一定要帶他去補充體力!Diet唔使on,靚仔到開巷!」不過,Kenny開show在即,當然唔敢怠慢,仲上載咗ig story,話要做gym還返食咗嘅嘢喎!

圖︰Kenny與甜品。(微博圖片)
圖︰真係食咗好多嘢!(ig圖片)
圖︰Boy’z開show在即,Kenny當然要努力on diet啦!(網上截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟