理想型靠感覺 陳漢娜初戀遇花心男

陳漢娜

今年憑電影《殺破狼·貪狼》入圍香港電影金像獎「最佳新演員」的陳漢娜(Hanna),日前接受森美、火火及劉翁主持的電台節目《公子會》訪問,節目開始時三位主持已不斷大讚Hanna 的樣貌特別充滿氣質,其中火火更直言她有廣末良子的影子,至於森美則認為:「佢鼻高高咀唇薄,我覺得佢比廣末良子高一班,更可愛。」火火和劉翁聽後笑言森美被Hanna冧到,Hanna 聞言即受寵若驚。

陳漢娜(右二)接受森美、火火及劉翁主持的電台節目《公子會》訪問

提到由模特兒轉為演員,Hanna直言對演戲有興趣︰「我有學演戲,拍完呢套電影後,發覺自己鍾意演戲,就入行繼續做演員。」此時劉翁和森美即打斷Hanna笑說︰「有興趣唔好入行啊,好似我哋對演戲都有興趣,但冇天份。」

初戀男友一腳踏兩船

之後講到Hanna的感情生活,自言沒有拍拖的她表示初戀發生在大學,頓時令主持們大感愕然問:「中學讀書冇人追咩?」Hanna則表示當時有人追求自己,不過自己只想讀書,完全沒想過要拍拖,而初戀對她來說也不是愉快經歷,皆因與初戀男友拍拖時對方已一腳踏兩船:「身邊同時同我講初戀男友同某位女同學好Close,叫我小心啲,起初都唔相信,但因為有好多人咁同我講,結果我睇初戀男友電話,原來係真嘅!喺我哋拍拖嗰陣佢哋已經發生關係,不過拍拖半年後我先知。」Hanna直言當時有找初戀男友「攤牌」,亦有單獨第三者見面,雖然最後Hanna與男友分手,不過她當時有原諒對方︰「因為佢哋關係已經完結,而且當時仲鍾意佢,所以原諒咗對方。」

陳漢娜自爆初戀男友一腳踏兩船

最後問到她喜歡哪類型的男生,她表示:「自己鍾意就會鍾意,靠感覺,但最重要係對方做人要有目標或者專注做一樣嘢,生活唔可以頹廢。」此時劉翁則問:「如果對方好鍾意維修冷氣,好專注做呢件事,咩冷氣都識修理,你都唔介意?」Hanna直言:「我都覺得好吸引!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟