【重210磅】肥到唔知點面對自己 黃建東:呢個惡夢幾時可以過去?

(Instagram圖片及影片截圖)

參加得《香港先生選舉》,當中的參賽者大多都是身材弗爆,好似早期的袁偉豪、許家傑、翟威廉,到前年的丁子朗,個個到現在都Keep住結實的胸肌及六嚿腹肌,然而當近期收看劇集《果欄中的江湖大嫂》時,看到「欄佬」之一的黃建東,一身肥肉加上大肚腩及肥仔波,就會有種「乜佢都曾經係香港先生?」的感覺。

黃建東以前係咁嘅樣(影片截圖)

體重高達210磅

無錯!黃建東曾於2011年參加《香港先生選舉》,當時的他擁有鋼條身形,甚至有種瘦得濟的感覺,然而在7年之後,他由鋼條身形進化成水桶身材,體重高達210磅,腰圍更達38吋!對於一個藝人來說似乎有點過火,然而正因為他這股「肥佬味」,令在《果欄中的江湖大嫂》中飾演「欄佬」之一的他份外「貼地」及市井。同時王建東似乎也願意走出「靚仔小生」的框架,改行搞笑路線,拍過不少搞笑短片的他更憑惡搞《PPAP》一度彈出!

黃建東(左一)個肥仔波好現眼(影片截圖)

自己都頂唔順

不過王建東似乎對自己過肥的身材有微言,更揚言要積極減肥,不再「自暴自棄」,他曾在社交網留言講到不太想看到劇集中的自己:「其實…每次當#果欄中的江湖大嫂#播放時,我都好想轉台或者遮住個電視…..當我見到自己唔着衫嘅時候。平時拍劇我都會post下劇照宣傳下(吓),但係有冇發現我好少post果欄啲相?因為,我自己都唔知點面對呢個自己,我都頂自己唔順。」他坦言個個朋友見到他在劇集中的造型都表示嚇親,他對此感到不好意思,更直言自己也嚇親,最後他反問:「究竟我呢個惡夢幾時可以過去??」

黃建東(右)決心要減肥(Instagram圖片)
黃建東坦言頂唔順自己喺《果欄中的江湖大嫂》個Body
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟