同老公一擊即中!鍾嘉欣自爆元旦發現懷第二胎

鍾嘉欣

藝人鍾嘉欣日前宣布再度懷孕,今日(9號)她於社交網開Live分享懷孕心得,豈料首次開Live的她在25分鐘的直播中,竟然「擺烏龍」將畫面角度調轉,讓她急急再開Live向粉絲道歉,此舉獲不少粉絲大讚嘉欣BB可愛搞笑!

鍾嘉欣將畫面角度調轉咗

懷孕是計劃之內

嘉欣在直播中分享懷第二胎的經過,坦言今次懷孕是計劃之內:「一直諗住餵完人奶一年到,等Kelly行得走得,各方面都容易處理就Plan,點知好感恩,一擊即中,一Plan就有。」她還憶起當時得悉懷孕時正在香港做騷,並在1月1日知道有BB:「記得除夕當晚我做倒數騷,化妝師嚟到我屋企都醒唔到,因為真係好攰,又覺得自己個肚脹脹哋,所以1月1號就搵朋友買驗孕棒,發現真係有咗!」當時她開心得立即打電話給身在加拿大的老公,老公知道後亦相當開心。

至於不少小朋友都怕被弟妹搶了注視,嘉欣表示現時囡囡Kelly 18個月大,也有捉她的小手摸肚皮:「Kelly未係好知道係咩一回事,但觀察到佢係個性格大方,好Friendly,又鍾意Sharing嘅BB,所以應該唔會呷醋啩!」嘉欣更在鏡頭前大騷Kelly的近照,照片全是她鬼馬地坐入櫃中的可愛模樣,嘉欣形容愛女現時十分調皮:「Kelly依家成日四圍爬,之前試過爬入櫃桶,將啲膠嘢拎晒出來,我已經教緊佢唔可以咁做,不過真係好搞笑。」

鍾嘉欣晒女兒Kelly近照

生完第二胎會重返幕前

嘉欣又透露今次第二胎,心情各樣都比初次懷孕來得淡定,不過對於再次懷孕會否令她萌生淡出幕前的念頭,嘉欣即向粉絲大派定心丸:「我好鍾意演藝事業,無論做戲定唱歌,我都依然好有Passion,所以大家唔使擔心,只係我開咗十幾年工,有咗BB先Take a short break,等生完BB之後,好快又會喺幕前見到我!」嘉欣還自爆4月或5月將返香港一趟,屆時看看大家能否野生捕獲嘉欣BB啦!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟