被質疑博見報 陸永老婆嬲到唔要賠償

陸永與太太Reina(Instagram圖片)

藝人陸永的太太Reina早前發生交通意外,然而疑因對方一直未簽「和解紙」及賠償,導致事件擾攘至今,Reina更收到警署方面通知事件仍未解決,要求她到警署落口供,令她昨日(7號)在社交網大呻致事件曝光,其後她把該留言刪走。

絕對唔係為追$2600出post咁肉酸

到了今日(8號)Reina再在社交網上傳一張電話訊息截圖,並留言說:「我緊張賠償的話,我唔會咁耐都未報價畀你!我絕對唔係為追$2600出post咁肉酸,我都驚畀人笑!請千萬唔好過數畀我呀!我唔要啦!無條件消咗案喇!以後泊車小心… #唔要二千六唔會死 #無端端受人氣屈住可能會死 #我都只係一個鍾意上網嘅小市民」見到截圖中有兩人的對話,對方指自己一直在醫院才無法簽和解紙,並且已經道歉,又指Reina到今個星期才給銀行戶口供他過數,僅兩日未過數就把事件鬧大,有呃like兼借小市民博見報之嫌,對方還承諾翌日會過數賠償。

電話對話截圖(Instagram圖片)
Reina Instagram留言

陸永撐老婆

不過Reina則在對話中就強調從沒提及對方,甚至直言「睇唔出喺邊一個位借用咗你」,她還表示自己只是轉述警方的說話,並認為對方回覆的態度與對方所講的「好好Settle」有好大距離。其後Reina似乎依然感到憤怒,再上傳兩張相,其中一張寫上「有咩好審?由頭到尾我都冇話人唔還錢,我淨係覺得自己受咗氣。」至於另一張相則是IG的對話截圖,對話中有人表示Reina Delete post的原因是「有一股十分神秘既(嘅)力量delete jor(咗) 因為股力量怕你太X」至於Reina則表示:「我驚人認到你呀」對方就回覆說:「Thanks 我唔係名人」而陸永也有留言撐老婆,他說:「幫佢delete再唔收佢錢,其實佢仲想點?點解仲要send d(啲)咁嘅嘢黎(嚟)?」

之後Reina再po咗呢兩張相(Instagram圖片)
陸永留言撐老婆
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟